२२ असार २०८३, सोमबार
नेपाल भ्रमण वर्ष २०२० को पूर्वसन्ध्यामा हनुमान ढोका दरबार क्षेत्रमा पर्यटकको संख्यामा वृद्धि भएको छ ।
कात्तिक महिना लागेपछि पर्यटकको संख्यामा वृद्धि भएको हो ।
असोज महिनासम्म दैनिक ६०० मात्र पर्यटक आउने गरेको यस स्थानमा दैनिक अहिले १ हजार १०० सम्म पर्यटक आउने गरेका छन् ।
कामपा हनुमान ढोका दरबार क्षेत्र संरक्षण कार्यक्रमको निमित्त कार्यक्रम प्रमुख चिन बज्रचार्यले पछिल्लो समय यस स्थानमा पर्यटकको संख्यामा वृद्धि भएको छ । भ्रमण वर्षको पूर्वसन्ध्यामा यसरी पर्यटक आउनु सुखद् पक्ष रहेको उनले बताए ।
हनुमान ढोका अवलोकन गर्न आउने पर्यटकबाट गत वर्ष १९ करोड रुपैयाँ राजस्व संकलन गरिएकोमा यस वर्ष २० करोड रुपैयाँभन्दा बढी राजस्व असुल हुने अनुमान गरिएको छ । निमित्त प्रमुख बज्रचार्यले अहिलेजस्तै पर्यटक आउने हो भने सरकारको भ्रमण वर्ष सफल मनाउन पनि निकै सहयोग पुग्ने बताए ।
प्रवेश गर्न सार्क राष्ट्रका पाहुनाको लागि १५० रुपैयाँ र अन्य देशका पाहुना काम लागि १ हजार तोकिएको छ । २०७२ सालको भूकम्पका कारण क्षति भएका सम्पदाको पुनःनिर्माण भइरहेको हुनाले अवलोकनकर्तालाई केही असहज भने भएको छ । यस स्थानको महत्त्वपूर्ण सम्पदाको रुपमा रहेको काष्ठमाण्डप पुनःनिर्माणको काम धमाधम भइरहेको छ । यसको पुनःनिर्माण हालसम्म ५० प्रतिशत काम भएको छ ।
त्यसैगरी निर्माणको अवस्थामा रहेको आगम छें, जगन्नाथ र गोपीनाथ मन्दिर, दश अवतार मन्दिर, माजु देग, त्रिभुवन स्मृति संग्रहालय लक्ष्मीनारायण मन्दिर दशवतार मन्दिर नौतले वसन्तपुर दरबारको रहेको छ ।
