२९ असार २०८३, सोमबार
हङकङमा गत साताभरि भएको हिंस्रक प्रदर्शनपछि फोहर भएको सडक सफा गर्नका लागि चिनियाँ सेनाका सदस्यहरू ब्यारेक बाहिर आएका छन् ।
हङकङमा तैनाथ चिनियाँ सैनिकहरूले चीनपक्षधर हङकङवासीहरूसँग मिलेर सडक अवरुद्ध गर्ने शनिवार इँटा र अन्य फोहरहरू उठाएको हङकङको सरकारी सञ्चारमाध्यम आरटीएचकेले जनायो ।
सामाजिक सञ्जालमा आएका भिडियोमा हरियो र कालो खाकी लगाएका सैनिकहरूले ढाडमा चिनियाँ झण्डा बोकेर कोउलून टोङका सडकमा इँटा हटाएको देखिन्छ ।
सन् १९९७ मा बेलायतले चीनलाई हङकङ सुम्पिएदेखि नै जनमुक्ति सेनाका सदस्यहरू त्यहाँ तैनाथ छन् । हङकङमा हजारौं चिनियाँ सैनिकहरू र्तनाथ गरिएका भए पनि ब्यारेकबाट बाहिर कमै देखिन्थे ।
जनमुक्ति सेनाको ग्यारिसनलाई सहायताका लागि अनुरोध नगरेको हङकङ सरकारले शनिवार जनायो । आफ्नो ब्यारेक बाहिर अवरुद्ध सडक सफा गर्ने प्रयास विशुद्ध स्वयंसेवा भएको एक विज्ञप्तिमार्फत हङकङ सरकारले जनायो ।
तर हङकङका सडकमा जनमुक्ति सेनाको उपस्थितिलाई आलोचना गर्दै पाँचजना विधायकले यसबाट एक देश, दुई प्रणालीको व्यवस्था थप कमजोर हुने बताएका छन् ।
सीएनएनबाट
