मुकुण्डो रोक्ने सरकारको निर्णयलाई हङकङ अदालतले गर्‍यो असंवैधानिक ठहर

मुकुण्डो रोक्ने सरकारको निर्णयलाई हङकङ अदालतले गर्‍यो असंवैधानिक ठहर

हङकङको एक अदालतले सरकारद्वारा मुकुण्डो लगाएर प्रदर्शन गर्नमा गरेको रोकलाई असंवैधानिक ठहर गरेको छ ।


Advertisement

सोमवार उच्च अदालतका न्यायाधीशहरूले संकटकाल कानूनअन्तर्गत लगाइएको मुकुण्डोमाथिको प्रतिबन्ध बेसिक ल अनुकूल नभएको ठहर गरेका छन् । बेसिक ल हङकङको सानो संविधान हो । 


Advertisement

न्यायाधीशरू चाउ का–मिङ र गडफ्रे लाम वान–होले प्रतिबन्धलाई कानूनी चुनौती दिने २५ अभियन्ताको पक्षमा निर्णय दिए । 

यो उच्चस्तरको संवैधानिक चुनौती साम्राज्यकालीन इमर्जेन्सी रेगुलेसन्स अर्डिनेन्स तथा त्यसैको विरासतका रूपमा रहेको द प्रोहिबिसन अन फेस कभरिङ रेगुलेसनमा केन्द्रित थियो । फिर्ता लिइएको सुपुर्दगी विधेयकविरुद्ध उठेको विरोध प्रदर्शनलाई मत्थर पार्ने क्रममा सरकारले सार्वजनिक खतराको आधार लिँदै यो प्रतिबन्ध लगाएको थियो । 


Advertisement

प्रतिबन्धले विवाद निम्त्याएपछि त्यसविरुद्ध ६ वटा मुद्दा परेका थिए । सन् १९२२ मा यो विधेयक ल्याइएदेखि अदालतमा अध्यादेशका विषयमा भएका बहसमाथि पहिलोपटक परीक्षण गरिएको हो । 

न्यायाधीशहरूले यस प्रतिबन्धबाट प्रमुख कार्यकारीले सार्वजनिक खतराको जुनसुकै अवसरमा नियम बनाउन सक्ने अवसर दिएकाले यो बेसिक ल अनुकूल नभएको घोषणा गरे ।

साउथ चाइना मर्निङ पोस्टबाट
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्