काठमाडौं- साग प्रतियोगिता अन्तर्गत १५ सय मिटरको दौडमा नेपाली खेलाडीले कास्य पदक हात पारेका छन् ।

मंगलवार भएको पुरुष तर्फको १५ सय मिटिर दौडको फाइनलमा नेपाली खेलाडी टंक कार्की तेस्रो भएका छन् । उनले ३:५९.२० सेकेण्डमा दूरी पार गरे । 

भारतका खेलाडी प्रथम र दोस्रो भएका छन्  । प्रथम हुनेमा भारतका अजय कुमार सराेज रहेका छन् । उनले ३‌ मिनेट ५४.८१ सेकेण्डमा पार गरेका थिए । दोस्रो हुने भारतकै अजित कुमारले ३:५७.१८ सेकेण्डमा पार गरेका थिए ।

यसैगरी महिलातर्फको १५ सय मिटरको दौडमा श्रीलंका प्रथम भएको छ भने भारतले दोस्रो र तेस्रो स्थान हासिल गरेको छ । 

श्रीलंकाकी चित्रा पलाकाले ४:३५.४५ सेकेण्डमा दौड पुरा गरेकी हुन् ।