गत बिहीबार र शुक्रबार देशभर वर्षा भएकोमा शनिबार यता मौसममा सुधार आएको छ। आइतबार काठमाडौँ उपत्यकासहित देशभर घाम लागेको थियो। यद्यपि, आइतबार काठमाडौँमा मध्यान्न पश्चात बादल लागेपछि चिसो बढेको थियो।

मौसम पूर्वानुमान महाशाखाका अनुसार  पश्चिमी लगायत मध्य तथा पूर्वका पहाडी क्षेत्रमा सामान्य बदली रहेको छ। बाँकी क्षेत्रमा आंशिक बदली रहेको छ।  मध्य र पूर्वी तराईका केही स्थानमा हुस्सु र कुहिरो समेत लागेको छ।

महाशाखाका अनुसार सोमबार  पश्चिम र मध्यका उच्च पहाडी भेगमा हल्कादेखि  मध्यम हिमपातको सम्भावना छ।

त्यस्तै मंगलबार दिउँसो  देशका अधिकांश क्षेत्रमा सामान्यदेखि पूर्ण बदली रहने अनुमान गरिएको छ। यो दिन पश्चिमी र मध्य भेगका एक-दुई स्थानमा हल्का वर्षा हुने सम्भावना रहेको र मध्य तथा पश्चिमी उच्च पहाडी भेगमा हिमपातको सम्भावना रहेको महाशाखाले जनाएको छ।

घाम लाग्न थालेपछि बाक्लो कुहिरो हट्दै गएको मौसम पुर्वानुमान महाशाखाले जनाएको छ। 

तर तराईका केही स्थानमा हुस्सु र कुहिरो समेत रहने भएकोले चिसोबाट बच्न महाशाखाले अनुरोध गरेको छ।  यो अवधिमा उच्च हिमाली भेगका हिमपातको सम्भावना छ।

यस्ताे छ तीन दिनकाे माैसमकाे पूर्वानुमान

आइतबार 

रातीःदेशको पश्चिमी भूभागमा आंशिक बदली रही मध्य तथा पूर्वका पहाडी भूभागमा आंशिकदेखि सामान्य बदली रहनेछ। मध्यका पहाडी भूभागका एक-दुई स्थानहरूमा र पूर्वी भू-भागका एक दुई स्थानमा हल्का वर्षा हुने सम्भावना रहेको छ।

 सोमबार 

दिउँसो : पश्चिमी भू-भागमा सामान्यदेखि पूर्ण बदली रहेनछ भने देशका मध्य र पूर्वी भू-भागमा आंशिकदेखि सामान्य बदली रहनेछ। पश्चिम र मध्यका उच्च पहाडी भेगमा हल्कादेखि मध्यम हिमपातको सम्भावना रहेको छ।

 रातीः देशका पश्चिमी भूभाग लगायत मध्य र पूर्वी पहाडी भूभागमा सामान्यदेखि पूर्ण बदली रहनेछ। पूर्व र मध्यका तराई भूभागमा मौसम सामान्यतया सफा रहनेछ। मध्य र पश्चिमी उच्च पहाडी भेगमा हिमपातको सम्भावना छ।

मंगलबार 

दिउँसो :देशका अधिकांश भूभागमा सामान्यदेखि पूर्ण बदली रहनेछ। पश्चिमी र मध्य भेगका एक-दुई स्थानमा हल्का वर्षा हुने सम्भावना छ। मध्य र पश्चिमी उच्च पहाडी भेगमा हिमपातको सम्भावना छ।
 

रातीः  देशको पूर्वी भूभागमा सामान्यदेखि पूर्ण बदली रही मध्य तथा पश्चिमी भूभागमा आंशिकदेखि सामान्य बदली रहनेछ। मध्य र पश्चिमी उच्च पहाडी भेगमा हिमपातको सम्भावना छ।

 आगामी २४ घण्टाका लागि चेतावनी तथा परामर्श 
उच्च हिमाली भेगका हल्का हिमपात हुने सम्भावना रहेको साथै तराईका केही स्थानहरुमा हुस्सु,कुहिरो समेत रहने भएकोले चिसोबाट बच्न सर्वसाधारणलाई अनुरोध छ।