२१ जेठ २०८३, बिहीबार
बागमती प्रदेश सरकारले अब आफैं बिजुली बस चलाउने भएको छ । यसका लागि प्रदेश सरकारले साझा यातायातसँगको सम्झौता तोडेको छ ।
असार १६ गते प्रदेश सरकार, काठमाडौं र ललितपुर महानगर र साझा यातायातबीच काठमाडौं उपत्यकामा बिजुली बस सञ्चालन गर्ने सहमति भएको थियो । २०७७ वैशाख १ गतेदेखि बिजुली बस चलाउने गरी प्रदेश सरकारले काम गरिरहेको बागमती प्रदेशका मुख्यमन्त्री डोरमणि पौडेलले जानकारी दिएका छन् ।
मुख्यमन्त्रीको कार्यालय हेटौंडामा स्थानीय तहका प्रमुख र उपप्रमुखहरूसँग बिजुली बस सञ्चालन सम्बन्धमा आयोजना गरिएको बैठकमा उनले यस्तो जानकारी गराएका हुन् ।
प्रदेशको भौतिक पूर्वाधार विकास मन्त्रालयको जिम्मेवारी पनि सम्हालेका मुख्यमन्त्री पौडेलले सानो संख्यामा भए पनि बिजुली बस नयाँ वर्षमा चल्ने गरी काम भइरहेको बताए ।
प्रदेश सरकारको नीति तथा कार्यक्रममा २०८५ सालसम्म पेट्रोलिय पदार्थबाट चल्ने सवारीसाधन विस्थापित गर्ने नीति लिइएको छ ।
सरकारले साझा यातायातलाई बिजुली बस खरिद प्रक्रिया रोक्न निर्देशन दिएपछि प्रदेश सरकारले पनि हात झिकेको हो ।
भौतिक पूर्वाधार तथा यातायात मन्त्रालयले पत्र लेख्दै साझालाई बिजुली बस खरिद प्रक्रिया अघि नबढाउन निर्देशन दिएको थियो। एक वर्षअघि नै सरकारले ३ सय बिजुली बस किन्ने निर्णय गरेको थियो । नेपाल समाचारपत्रमा खबर छ ।
