मंसिर १०, २०८०
सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...
काठमाडौं, ५ पुस — अमेरिकाका राष्ट्रपति डोनल्ड ट्रम्पले सोमवार नयाँ राष्ट्रिय सुरक्षा नीति सार्वजनिक गर्ने क्रममा चीन र रुसलाई प्रतिद्वन्द्वीका रूपमा प्रस्तुत गरेर उनीहरूले तेर्स्याएको जोखिमका बारेमा चर्चा गरेका छन् । अमेरिकी शक्तिलाई चीन, रुस तथा अन्य देशहरूले चुनौती दिइरहेको राष्ट्रिय सुरक्षा नीति दस्तावेजले उल्लेख गरेको छ ।
हुन पनि अहिले विश्व राजनीतिमा चीनको उदय अनि अमेरिकाको तुलनात्मक पतन भइरहेको स्थिति छ । उदाउँदो शक्ति चीनले अस्ताउँदो अमेरिकालाई अब केही वर्षपछि नै दोस्रो स्थानमा धकेल्ने अनुमानहरू भइरहेका छन् । यसले ल्याउने द्वन्द्वका सम्बन्धमा धेरै पुस्तक प्रकाशित भएका छन् तर तीमध्ये सबभन्दा महत्त्वपूर्ण पुस्तक ग्राहम एलिसनको ‘डिस्टाइन्ड फर वार ः क्यान अमेरिका एन्ड चाइना इस्केप थ्युसिडाइड्ज ट्य्राप ?’ हो ।
अन्तर्राष्ट्रिय राजनीतिमा विशेषज्ञता हासिल गरेका ग्राहम टिलेट एलिसनले प्राचीन ग्रिसेली इतिहासकार थ्युसिडाइड्सको विचारलाई चीन र अमेरिकाबीचको संघर्षका आलोकमा अवलोकन गरेका छन् । हिस्ट्री अफ द पेलिपोनेसियन वारका लेखक थ्युसिडाइड्सले तत्कालीन राज्यहरू स्पार्टा र एथेन्सबीचको युद्धलाई आफैंले भोगेका थिए । उनका अनुसार, स्पार्टा एक स्थापित शक्ति थियो भने एथेन्स चाहिँ उदाउँदो शक्ति थियो । एथेन्सको उदयले स्पार्टालाई असहज बनायो अनि ‘स्पार्टामा एथेन्सप्रतिको डरले गर्दा उनीहरूबीचको युद्ध अवश्यम्भावी भयो’ ।
उदाउँदो र स्थापित शक्तिबीचको यही संघर्षलाई एलिसनले ‘थ्युसिडाइड्सको धराप’ नाम दिएका छन् अनि विगत ५०० वर्षको इतिहासमा १६ वटा यस्ता संघर्षको उदाहरण उनले पुस्तकमा पेश गरेका छन् । ती १६ मध्ये १२ वटा संघर्ष युद्धमा परिणत भए ।
पुस्तकमा १६ वटै संघर्षको विश्लेषण गरिएको छ र बढी जोड चाहिँ अमेरिका र उदाउँदो चीनबीचको संघर्षलाई दिइएको छ । एलिसनले चीन र अमेरिका ‘युद्धको बाटोमा हिँडेको र युद्ध हुन नदिन भरमग्दुर प्रयत्न गर्नुपर्ने’ कुरालाई पुस्तकको प्रमुख विषय बनाएका छन् ।
चीनको सभ्यता पाँच हजार वर्ष पुरानो हो र ऊ सभ्यताको त्यही पुरानो उचाइँमा पुग्ने प्रयत्न गरिरहेको छ । आफूलाई संसारको केन्द्र भाग (मिडल किङ्डम) मान्ने गरेको चीनले साम्राज्यवादी आक्रमणका कारण बेहोर्नुपरेको बेइज्जतीलाई दोहोरिन नदिनका लागि शक्ति आर्जन गरिरहेको छ ।
दोस्रो विश्वयुद्धपछि शक्तिशाली भएको अनि सोभियत संघको पतनपछि संसारमा एकध्रुवीय शासन चलाएको अमेरिकाले चीन दुई दशकको अवधिमा अल्पविकसित राष्ट्रबाट संसारकै दोस्रो अर्थतन्त्र बन्न पुगेको देख्नुपरेको छ । तर अमेरिकाले उदाउँदो चीनलाई कसरी ‘डील’ गर्ने थाहा नपाएको र अमेरिकासँग गतिलो रणनीति नै नभएको एलिसनको गुनासो छ ।
एलिसनले चीनको तीव्र विकासका बारेमा पुस्तकमा विस्तृत वर्णन गरेका छन् । राष्ट्रपति सी चिनफिङले सबै शक्ति आफूमा केन्द्रित गरेकोमा एलिसन अत्यधिक प्रभावित देखिन्छन् । सीले त्यसरी शक्ति केन्द्रित गर्नुका पछाडि चिनियाँ कम्युनिस्ट पार्टी सोभियत कम्युनिस्टको नियत भोग्न बाध्य नहोस् भनेर हो । कम्युनिस्ट पार्टीमा विभिन्न शक्तिकेन्द्रको उदय भएमा शासन चलाउन गाह्रो हुने बुझेर सीले प्रशासन तथा सेनामा पार्टीको नियन्त्रण कठोर पारेका हुन् ।
यसरी घरमा शक्तिशाली भएको चीन यसअघि नै विश्वव्यापीकरणको फाइदा उठाएर व्यापारमार्फत विदेशमा पनि शक्ति आर्जन गर्न सफल रहेको छ । चिनियाँ सामानले विश्व बजारमा पहुँच बढाउँदै गएपछि चीनको आर्थिक सूचकांकमा वृद्धि हुँदै गएकाले चीन अब सुरक्षा संयन्त्र अभिवृद्धिमा लागेको छ ।
चीनले सुरक्षा बजेट बढाइरहेको छ र जलसेनालाई मजबूत बनाउने उसको उद्देश्य हो । अमेरिकाको ओबामा प्रशासनले सुरक्षा बजेट घटाएकोमा ट्रम्प प्रशासनले चीन (र रुस) लाई विचार गरेर सुरक्षा बजेट बढाउने भएको छ । जलसेनाको शक्तिप्रदर्शनले पनि चीन र अमेरिकाबीचको संघर्ष चर्काउन सक्ने देखिन्छ । विशेषगरी दक्षिण चीन सागर र पूर्वी चीन सागरमा चीन र अमेरिकाबीचको संघर्ष हुने देखिन्छ । त्यसबाहेक एसियामा अनि प्रशान्त महासागरमा आफूअतिरिक्त कुनै पनि शक्तिले नियन्त्रण नगरोस् भन्ने अमेरिकाको चाहनालाई चीनले चुनौती दिएकाले द्वन्द्वको स्थिति आउन सक्छ ।
आफ्नो कार्यकालको शुरुवातमा ट्रम्पले चीनलाई चिढ्याउँदै ताइवानी राष्ट्रपतिको फोन कल लिएका थिए । निर्वाचन अभियानका बेलामा चीनविरुद्ध विषवमन गरेका ट्रम्पले सरकार चलाउँदै गएपछि बिस्तारै चीनप्रतिको नकारात्मक धारणा घटाउँदै लगे । तर अमेरिकाका युद्धप्रिय रणनीतिकारहरूले चीनलाई घेर्नका लागि एसिया र प्रशान्त क्षेत्रका विभिन्न स्थानमा सेना तथा युद्धपोतहरू तैनाथ गरेका छन् । चीनसँगको आणविक युद्धलाई पनि इन्कार गर्न सकिने स्थिति छैन ।
गत मार्च महिनामा अमेरिकी जलसेनाले दक्षिण चीन सागरमा पाँचवटा युद्धपोत र विमानवाहक जहाजहरू तैनाथ गरेको थियो । अनि प्रशान्त महासागरमा रहेको गुआममा उसले आणविक क्षमतायुक्त बम्बर विमानहरू तैनाथ गरेको छ । दक्षिण कोरिया र अस्ट्रेलिया समेतमा गरी अमेरिकाले प्रशान्त क्षेत्रमा अनेकौं हातहतियार तैनाथ गरेको छ ।
जोन पिल्गरले चीन र अमेरिकाबीच सम्भावित युद्धका विषयमा ‘द कमिङ वार’ नामक एक वृत्तचित्र नै बनाएका छन् ।
उक्त वृत्तचित्रमा अमेरिकाका युद्ध रणनीतिकार एन्ड्रु क्रेपिनेविचले चीनको उत्तेजक गतिविधिविरुद्ध अमेरिकाले कदम चाल्दै हातहतियार तैनाथ गरेको बताए । चीनले एसिया तथा प्रशान्त क्षेत्रमा उत्तेजक गतिविधि गरेकाले उसलाई हवाई आक्रमण तथा सामुद्रिक नाकाबन्दीमार्फत सजाय दिइने उनको भनाइ छ ।
अनि चीनलाई घेर्नका लागि भारत, जापान र अस्ट्रेलियासँग मिलेर ‘क्वाड्रिल्याटरल’ रणनीति पनि अमेरिकाले बनाइरहेको छ । चीनले एक पेटी एक सडकमार्फत एसिया, युरोप र अफ्रिकाका देशलाई आफ्नो सञ्जालमा ल्याउन खोज्दै गर्दा अमेरिकाले त्यसको प्रतिक्रियास्वरूप चीन घेर्ने अर्थात् ‘इन्सर्कलिङ चाइना’ रणनीति ल्याएको हो । नेपाललाई पनि त्यसको अंग बनाउने अमेरिकाको रणनीति भएकाले हालै उसले नेपाललाई मिलेनियम च्यालेन्ज कर्पोरेसन नामक निकायमार्फत ५२ अर्ब रुपैयाँको आर्थिक सहायता गरेको छ ।
यस्ता उत्तेजक गतिविधिका बाबजुद दुई देशबीच युद्ध होला नै भनेर ठोकुवा गर्न सकिन्न तर त्यसको सम्भावनालाई पनि नकार्न सकिने स्थिति छैन । रणनीतिक अविश्वासले दुई देशबीचको सम्बन्धलाई थप जटिल बनाउँछ तर दुवैले विश्वासको वातावरण निर्माणमा ढिलाइ गर्नुहुँदैन भन्ने ग्राहम टी एलिसनको आशय हो ।
एलिसनले पुस्तकमा चीन र अमेरिकाबीचको द्वन्द्व विस्फोट हुन नदिनका लागि चारवटा उपाय प्रस्तुत गरेका छन् : महत्त्वपूर्ण स्वार्थहरू प्रस्ट पार्ने, एकअर्काको लक्ष्यलाई बुझ्ने, उपयुक्त रणनीति अवलम्बन गर्ने र राष्ट्रिय चुनौतीलाई सम्बोधन गर्ने । यसमा विशेषगरी अमेरिकी रणनीतिकारहरू चनाखो हुनुपर्ने एलिसनको धारणा छ ।
एजेन्सीहरूको सहयोगमा
सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...
सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...
आफ्नो तेस्रो कार्यकालको दोस्रो वर्षलाई प्रभावकारी बनाउने भनी दाबी गरेका प्रधानमन्त्री पुष्पकमल दाहाल ‘प्रचण्ड’ले कांग्रेस महामन्त्री गगन थापालगायत केही नेतासँग नियमित सल्लाह सुझाव लिन थालेका छन् । रा...
दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...
चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...
फागुन २१ मा नाटकीय ढंगले सत्ता समीकरण बदलिएको दुई महिना पनि नबित्दै नयाँ समीकरणका लागि कसरत भइरहेको संकेत देखिएको छ । नेपाली राजनीति तथा सत्ताका खेलाडीसँग निकट विश्वसनीय स्रोतले भित्रभित्रै अर्को नयाँ स...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...