पुस ५, २०८०
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
कात्तिक २६, २०७६
धनगढी – थारु समुदायमा देखिएको सिकलसेल एनिमियाको त्रासभित्र अवैध ठगीधन्दा फस्टाउँदै गएको छ ।
भारतसहित विभिन्न देशमा शाखा कार्यालय रहेको ओरियन्स ग्लोबल मार्केटिङ कम्पनी र भेस्टिज मार्केटिङ कम्पनीले नेपालका विभिन्न क्षेत्रमा गैरकानूनी नेटवर्किङको जालो फैलाएर सोझासाझा नेपालीलाई ठगिरहेको भेटिएको छ ।
कम्पनीले विभिन्न उत्पादन नेटवर्किङ प्रणालीमार्फत एजेन्ट बनाएर बिक्री गर्नुका साथै विभिन्न कमिसनको प्रलोभन देखाएर पैसा संकलन गरिरहेको पाइएको हो ।
धनगढी उपमहानगरपालिका–१७ पथरीका स्थानीय चुल्हुराम चौधरीले आफ्नो छोरा सुरज चौधरी केही महिनाअघि ओरियन्स प्रतिनिधिको लहलहैमा लागेर ठगिएको दुःखेसो पोखे । कैलाली बहुमुखी क्याम्पसमा ११ कक्षामा अध्ययनरत उनका छोरा सीमावर्ति भारतीय बजार लखिमपुरमा शाखा कार्यालय रहेको ओरियन्स कम्पनीमा ३ महिना बसेको र ३१ हजार रुपैयाँ खर्च गरेको उनले बताए । पैसा सकिएपछि साथीबाट २ हजार रुपैयाँ ऋण मागेर उनी घर फर्केको चौधरीले बताए ।
‘क्याम्पस पढ्दै गरेका छोराले पैसाको लोभमा क्याम्पस छोडेर कम्पनीमा लाग्यो । अहिले ठगियो । उजुुरी गरौं भने कसमाथि गरौं ? जोमार्फत कम्पनीमा लाग्यो, उहीँ मान्छे नै ठगिएको रहेछ,’ उनले भने ।
नाम उल्लेख नगर्ने शर्तमा धनगढी क्षेत्रमा काम गरिरहेका ओरियन्सका एक प्रतिनिधिले भारतको लखिमपुरमा शाखा कार्यालय रहेको कम्पनीले हेल्थ नेटवकिङ प्रणालीमार्फत नेपालका विभिन्न क्षेत्रमा आफ्नो सञ्जाल विस्तार गरेको जानकारी दिए । आफूले हालसम्म दर्ता फर्म, सेमिनारमा प्रशिक्षण र केही औषधी खरिदबापत १ लाख भारतीय रुपैयाँ खर्च गरिसकेको बताउँदै उनले प्रतिफल भने अझै पाउन नसकेको बताए ।
कैलालीको घोडाघोडी नगरपालिका–१० की ओरियन्सकी एक पूर्व प्रतिनिधिले कम्पनीमा लागेर आफूले १ लाख नेपाली रुपैयाँ खर्च गरेको जानकारी दिइन् तर प्रतिफल नपाएको र ठगिएको महसूस भएपछि छाडेको उनले बताइन् । सामाजिक प्रतिष्ठामा आँच आउने भन्दै उनले आफ्नो नाम भने उल्लेख नगर्न अनुरोध गरिन् ।
ओरियन्स प्रतिनिधिको ठगीधन्दाले व्यापकता पाउँदै गएको छ । प्रतिनिधिले आफ्नो सामग्री बिक्री गर्ने उद्देश्यले सिकलसेल एनिमिया रोग निको हुने दाबी गर्दै आएका छन् । सिकलसेलका बिरामीलाई सरकारद्वारा उपलब्ध गराइएको औषधोपचार छाड्न लगाएर कम्पनीका प्रतिनिधिले आफ्ना उत्पादन खरिद गर्न लगाएर खुुवाएको पाइएको छ ।
धनगढीमा काम गर्दै आएका ओरियन्सका प्रतिनिधि रञ्जित चौधरीले कम्पनीको औषधि बिकाउने नाममा सरकारले उपलब्ध गराएको सिकलसेलको औषधि छोडाएको पाइएको छ । उनले बिरामीसँग भिडियो समेत बनाएर यूट्युबमा अपलोड गरेका छन् ।
सिकलसेल एनिमिया तराईको थारु समुदायमा बढी देखिएको रोग हो । जसको औषधि उपचारको लागि सरकारले १ लाख रुपैयाँ प्रतिबिरामी उपलब्ध गराउँदै आएको छ ।
ओरियन्स प्रतिनिधिका अनुसार नयाँ प्रतिनिधिसँग १ डायमन्ड योजना अनुसार ६ हजार, २ डायमन्ड योजना अनुसार २० हजार र ३ डायमन्ड योजना अनुुसार ६० हजार भारतीय रुपैयाँ शुरूमै दर्ता फर्म र सेमिनार शुल्कबापत लिने गरिएको छ । पछि आफ्ना प्रतिनिधिलाई आफ्नो विभिन्न उत्पादन बिक्री गराउने र पिरामिड शैलीको सञ्जाल विस्तार गरेर विभिन्न आर्थिक प्रलोभन दिँदै ठग्ने गरिएको छ ।
ओरियन्सले जस्तै भेस्टिजले पनि आफ्नो धन्दालाई व्यापक बनाएको छ । भेस्टिज प्रतिनिधिका अनुसार भेस्टिजले नेपालमा वेल्थ टे«ड कम्पनीको नाममा आफ्नो नेटवर्किङ कारोबार चलाउँदै आएका छन् ।
प्रशासन बेखबर
कैलालीमा दुवै कम्पनीको गैरकानूनी धन्दा मौलाएपनि स्थानीय प्रशासन भने बेखबर रहेको पाइएको छ । कैलालीका प्रमुख जिल्ला अधिकारी यज्ञ बोहराले दुवै कम्पनीका गतिविधिबारे जानकारी नपाएको र कहीँकतैबाट उजुरी नपरेको बताए । उजुरी परेको खण्डमा त्यहीँ अनुसार अनुसन्धान थालिने प्रजिअ बोहराले बताए ।
केही समयअघि भारतमा रहेको नेटवर्किङ व्यवसायका नाममा नेपालीले नै गाउँका सोझासाझा नेपालीलाई ठगी गरेको आरोपमा बर्दिया प्रहरीले ४ जनालाई पक्राउ गरी सार्वजनिक गरेको थियो । ओरियन्सको नेटवर्किङ व्यापारका नाममा ठगी गरेको आरोपमा बर्दिया गुलरिया नगरपालिका–४ का विवेक थारू, वडा ५ का हिमाल भनिने प्रजय चौधरी, बारबर्दिया नगरपालिका–७ का दिपक चौधरी र राजापुर नगरपालिका–३ का आशा थारूलाई पक्राउ गरिएको जिल्ला प्रहरी कार्यालय बर्दियाले जनाएको छ ।
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...