नेपालको नयाँ नक्सा जारी भएको सन्दर्भमा संविधान संशोधनका लागि संघीय संसद्‍मा विधेयक दर्ता भएको छ ।

नेपालको संविधान २०७२ को अनुसूची ३ मा रहेको निशान छाप संशोधनका लागि संविधान संशोधन विधेयक संघीय संसद्‍ सचिवालयमा दर्ता भएको हो ।

निशान छापमा नेपालको नक्सा अंकित छ । त्यसमा रहेको पुरानो नक्सा हटाएर नयाँ नक्सा अंकित गर्नका लागि संवधिान संशोधन गर्ने निर्णय शुक्रवार बसेको मन्त्रिपरिषद् बैठकले गरेको थियो ।

सोही निर्णयबमोजिम शुक्रवार दिउँसो ३ बजे विधेयक संसद्  सचिवालयमा दर्ता भएको हो ।