फागुन ४, २०८०
ललिता निवास प्रकरणमा विशेष अदालतले बिहीबार फैसला गरेको छ । फैसला अनुसार ललिता निवासको हडपिएको जग्गा सरकारको नाममा आउने भएको छ। अदालतले त्यसमा दोषीहरुलाई कैद र जरिवानको फैसला पनि गरेको छ । ...
प्रतितोला एक लाख रुपियाँभन्दा माथि पुगेको सुनको मूल्य ह्वात्तै घटेको छ ।
नेपाली बजारमा एकै दिन छ हजार दुई सय रुपियाँले घटेर बुधबार छापावाल सुनको मूल्य प्रतितोला ९५ हजार चार सय रुपियाँ रह्यो । त्यस्तै तेजाबी सुन प्रतितोला ९४ हजार नौ सय रुपियाँ कायम रह्यो ।
सुनसँगै चाँदीको मूल्य पनि घटेर एक हजार २१० रुपियाँ प्रतितोला कायम भएको छ । बुधबार बिहान साढे १० बजे अन्तर्राष्ट्रिय बजारमा प्रतिऔँस एक हजार ८८४ डलर पुगेका आधारमा नेपाली बजारमा मूल्य तय भएको हो ।
नेपाली बजारमा गत शुक्रबार सुनको मूल्य सबैभन्दा उच्च प्रतितोला एक लाख तीन हजार पाँच सय रुपियाँ पुगेको थियो ।
अन्तर्राष्ट्रिय बजारमै सुनको मूल्य घटेका कारण नेपाली बजारमा पनि घटेको जनाइएको छ । अन्तर्राष्ट्रिय बजारमा गत साता प्रतिऔँस दुई हजार डलरभन्दा माथि पुगेको मूल्य एकै दिन १३६ डलरसम्मले
घटेको छ ।
मङ्गलबार रुसका राष्ट्रपति भ्लादिमिर पुटिनले कोरोना भाइरसको खोप तयार भएर प्रयोग गर्न सकिने अवस्थामा पुगेको र छिटै ठूलो परिमाणमा उत्पादन सुरु गरिने समाचार बाहिरिएसँगै सुनको मूल्यमा गिरावट आउन थालेको अन्तर्राष्ट्रिय बजार विश्लेषकहरूले जनाएका छन् । यद्यपि रुसले खोप बनेको दाबी गरे पनि अरू देशले त्यसलाई पूर्ण विश्वास नगरेका कारण अझै सुन बजार अस्थिर देखिएको छ ।
त्यस्तै गत साताको अन्त्यतिर डलरको मूल्य पनि केही सुधार आएकाले सुनको मूल्य घट्न थालेको बताइएको छ । अन्तर्राष्ट्रिय बजारमा प्रतिऔँस एक हजार आठ सय डलरसम्म झर्न सक्ने अनुमान गर्न थालिएको छ ।
किलोका किलो सुन
नेपाली बजारमा सुनको मूल्य छ अङ्कले उकालो लाग्न थालेसँगै वाणिज्य बैङ्कहरूबाट दैनिक ४० किलोसम्मको सुन बिक्री हुँदै आएको छ ।
व्यवसायीले भने कारोबार ठप्प रहेको बताउँदै आएका छन् ।
नेपाल बैङ्कर्स सङ्घका अनुसार विगत दुई सातामा करिब १४० किलोभन्दा बढी सुन बिक्री भइसकेको छ ।
सङ्घका प्रमुख कार्यकारी अधिकृत अनिल शर्मा भन्छन्, “नेपाली बजारमा मूल्य एक लाख रुपियाँमाथि जान थालेपछि माग पनि बढ्न थालेको छ । लगानीकर्ताले अझै मूल्य बढ्ने अनुमान गरेर सुन किन्न थालेका छन् । ”
सङ्घका अनुसार वाणिज्य बैङ्कहरूमा करिब ३३० किलो जति स्टक रहेकोमा अब घटेर एक सय किलोभन्दा कम भइसकेको छ ।
नेपाल सुनचाँदी व्यवसायी महासङ्घका पूर्वअध्यक्ष तेजरत्न शाक्य अहिले सुनको कारोबार ठप्पजस्तै रहेको अवस्थामा दैनिक किलोका किलो सुन बैङ्कहरूबाट बिक्री हुनु अस्वाभाविक बताउँछन् । उनले अहिलेको अवस्थामा सुन खरिद गर्न सुनचाँदी व्यवसायीको सिफारिस पनि नचाहिने हुँदा कसले सुन खरिद गरिरहेको छ भन्ने थाहा नभएकोे स्पष्ट पारे।
सामान्य अवस्थामा वाणिज्य बैङ्कहरूबाट सुन मगाएको १५ दिनभित्र प्यान नम्बरवाला व्यवसायीले नेपाल सुनचाँदी व्यवसायी महासङ्घको सिफारिसमा मात्र सुन खरिद गर्न पाउँथे ।
उहाँले भन्नुभयो, “यति बेला वाणिज्य बैङ्कहरूबाट बिक्री भएको सुन कालो बजारी भइरहेको छ÷छैन भनी सम्बन्धित निकायले सुपरीवेक्षण गर्न जरुरी छ । ” अहिले भारतमा सुनको कालोबजारी फस्टाएको समाचार आइरहेकाले कतै नेपालबाट सुन त्यसतर्फ त गएको छैन भन्ने विषयमा सरकार चनाखो हुनुपर्ने उनको भनाइ छ ।
नेपाल राष्ट्र बैङ्क भने बजारमा माग भएकाले नै बिक्री भइरहेको अनुमान लगाएर बसेको छ । राष्ट्र बैङ्कका प्रवक्ता गुणाकर भट्ट तीजलगायत दसैँ, तिहारजस्ता चाडपर्व भएकाले बजारमा सुनको बिक्री बढेको समाचार आफूहरूले पाएको बताउँछन् । अस्वाभाविक माग बढेमा निगरानी हुने उनको भनाइ छ । गोरखापत्र दैनिकमा राधा चालिसेले खबर लेखेका छन् ।
ललिता निवास प्रकरणमा विशेष अदालतले बिहीबार फैसला गरेको छ । फैसला अनुसार ललिता निवासको हडपिएको जग्गा सरकारको नाममा आउने भएको छ। अदालतले त्यसमा दोषीहरुलाई कैद र जरिवानको फैसला पनि गरेको छ । ...
नेपाल कम्युनिस्ट पार्टी (माओवादी केन्द्र) सँग एकता गर्न नेपाल समाजवादी पार्टीका अध्यक्ष डा. बाबुराम भट्टराईलाई पार्टीभित्रबाट नेताहरूले दबाब दिन थालेका छन् । पार्टीका अर्का अध्य...
सहरी विकास मन्त्रालयले निर्माणाधीन धरहराको बेसमेन्टमा सवारीसाधन पार्किङ मानवीय स्वास्थ्यका दृष्टिले जोखिमपूर्ण हुन सक्ने भन्दै सचेत गराएको छ । मन्त्रालयले त्यहाँ आवश्यक प्राविधिक तयारी ...
अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जिवितै रहेको पाइएको छ। विराटनगरस्थित मेट्रो न्युरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा...
सवारीसाधन सुविधा प्राप्त गर्ने कर्मचारीलाई इन्धनबापत नगद उपलब्ध गराउन सरकारले निर्देशिका जारी गरेको छ । सुशासन (व्यवस्थापन तथा सञ्चालन) ऐन, २०६४ को दफा ४५ ले दिएको अधिकार प्रयोग ...
त्रिभुवन अन्तर्राष्ट्रिय विमानस्थलका प्रहरी प्रमुख प्रहरी नायब महानिरीक्षक (डिआइजी) अर्जुन चन्दले राजीनामा दिएको चर्चा झन्डै एक साता चल्यो तर प्रहरी प्रधान कार्यालयले चन्दको राजीनामा नभई सोमबार १० दिनको बिदा स्वीकृत ग...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...