३० असार २०८३, मंगलबार
टर्कीमा शुक्रवार गएको ७ म्याग्निच्युडको भूकम्पका कारण लडेको भवनको भग्नावशेषमा पुरिएकी तीन वर्षीया एक बालिकालाई उद्धार गरिएको छ ।
एलिफ पेरिनचेक नामक ती बालिकालाई अग्निनियन्त्रक मुआम्मर चेलिकले धूलोमा पुरिएको अवस्थामा फेला पारेका हुन् ।
उनी मरेको भन्ठानेर चेलिकलाई सहकर्मीलाई लाश राख्ने झोला ल्याउन भनेका थिए । तर पछि चेलिकले उनको अनुहार पुछ्दा उनले आँखा खोलिन् र चेलिकको बूढी औंला समातिन् ।
‘अनि मैले चमत्कार देखें,’ इस्तानबुल फायर डिपार्टमेन्टको खोजी तथा उद्धार टोलीका चेलिकले बताए ।
भूकम्प गएको ६५ घन्टापछि गरिएको उद्धारको उनले बेलीविस्तार लगाए ।
उक्त भूकम्पमा परी कम्तीमा १०० जनाको ज्यान गएको छ ।
एलिफलाई अस्पतालमा उपचार गरिँदैछ ।
टर्कीको इज्मिर शहरमै १४ वर्षका अर्का एक बालकलाई जिउँदै उद्धार गरिएको छ ।
