प्रमुख प्रतिपक्षी दल नेपाली कांग्रेसले संसद् विघटनविरुद्ध देशव्यापी आन्दोलनको घोषणा गरेको छ । 

पार्टी केन्द्रीय कार्यालय सानेपामा आइतवार बसेको केन्द्रीय समिति बैठकले पुस २५ गते ३ सय ३० वटै प्रदेश सभा निर्वाचन क्षेत्रमा विरोध प्रदर्शन गर्ने, माघ ३ गते ७ सय ५३ वटै स्थानीय तह र माघ ८ गते सबै वडाहरूमा विरोध प्रदर्शन गर्ने कार्यक्रम तय गरेको एक केन्द्रीय सदस्यले लोकान्तरलाई जानकारी दिए ।

गत पुस ५ गते प्रधानमन्त्रीको सिफारिशमा राष्ट्रपतिद्वारा संसद विघटन गरिएको थियो ।

कांग्रेसले संसद् विघटनलाई गैर-संवैधानिक र अलोकतान्त्रिक ठहर गरेपनि आन्दोलनका कार्यक्रम घोषणा गर्न नसकेको भन्दै आरोप खेप्दै आएको थियो । 

आज बसेको केन्द्रीय कमिटी बैठकले देशव्यापी विरोधका कार्यक्रम तय गरेको हो ।