प्रतिनिधि सभा विघटनको विरोधमा नेकपा (प्रचण्ड–नेपाल) समूहले बुधवार काठमाडौंमा विरोध सभा आयोजना गर्दैछ । 

भृकुटीमण्डपमा मध्याह्न हुने सभालाई अध्यक्ष पुष्पकमल दाहाल प्रचण्ड, माधवकुमार नेपाल लगायतका नेताहरूले सम्बोधन गर्दैछन् ।

सभालाई सचिवालय सदस्य झलनाथ खनाल, प्रवक्ता नारायणकाजी श्रेष्ठका अलावा महिला, मधेशी र जनजातिले समावेशी प्रतिनिधित्वको आधारमा सभालाई सम्बोधन गर्ने भएका छन् ।

सभालाई अञ्जना विशंखे, अमृता थापा, भानुभक्त जोशी, महफुज अन्सारी, रामकुमारी झाँक्री, रामचन्द्र झा, सन्तकुमार चौधरी, जनार्दन शर्मा, देव गुरुङ, रघुजी पन्त लगायतले सम्बोधन गर्दैछन् ।

यसअघि माघ ८ गते आयोजना गरिएको सभामा वक्ता छनोटको विषयलाई लिएर सो पार्टीभित्र विवाद भएको थियो । 

सभाअघि राजधानीका विभिन्न स्थानबाट जुलुस निस्किएको छ ।