कात्तिक १८, २०८०
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
गएको फागुन ९ गते रूपन्देहीको मायादेवी गाउँपालिका– ३ की प्रेमा यादव गोठमा गाईवस्तुलाई घाँस हालिरहेकी थिइन् । नन्द र सासुलाई साँझको छाकका लागि साग टिप्न बारीमा पठाइन् ।
घर पुगेपछि नन्दले घ्यारघ्यार आवाज आएको सुनिन् । चिच्याउँदै आमालाई बोलाइन् । झ्यालबाट भित्र हेर्दा पंखामा प्रेमा र छोरी झुन्डिएको उनीहरूले देखे । जसोतसो भित्रबाट बन्द ढोका खोलेर नन्द र सासुले प्रेमा र बालिकालाई डोरीबाट फुकाले ।
उनीहरूले घटना सम्बन्धमा प्रहरीलाई खबर गर्न छाडेर बच्चीको शव नजिकैको खोलामा लगेर गाडिदिए । त्यसपश्चात मात्रै प्रहरीले घटनाबारे थाहा पाएको थियो । प्रहरीले घटनास्थल पुगी शंकास्पद स्थानमा खनेर हेर्दा बच्चीको शवमाथि केही पैसा चढाएर पुरिएको रहेछ ।
प्रेमाले आफ्नै छोरीको हत्या गरिन् । उनका परिवारले उनलाई दोषी मानेर प्रहरीलाई खबर गर्नुको साटो बच्चीको शव सुटुक्क लगी गाडिदियो । घटना लुकाउन परिवार नै संलग्न भएपछि प्रहरीले हत्या अभियोगमा प्रेमासहित उनका घरका अन्य सदस्यलाई समेत नियन्त्रणमा लिएको जिल्ला प्रहरी कार्यालय रूपन्देहीका प्रवक्ता प्रहरी नायव उपरीक्षक सत्यनारायण थापाले बताए ।
प्रहरीले अनुसन्धान बढाउदै जाँदा प्रेमाले गर्भवती भएको ७ महिनामा बच्चीलाई जन्म दिएकी थिइन् । बच्चा सातै महिनामा कसरी जन्मियो भन्ने जिज्ञासा गाउँले र आफन्तलाई रहिरहेको थियो ।
तर, बाहिर बोल्ने र सोधपुछ गर्ने प्रयास कसैले गरेका रहेनछन् । आफन्त र गाउँलेका अनुसार प्रेमा राम्री थिइन् । परिवारमा सधैँ माया पाइरहेकी प्रेमाले केही महिनाअघि फोनमा अर्का पुरुषसँग कुराकानी गरेको श्रीमान राजकुमारले थाहा पाए ।
उनको कुराकानीमा प्रेमाका साथी (प्रेमी)ले बच्ची आफ्नो भएको बताइरहेका थिए । त्यसपछि परिवारको इज्जतको डरले श्रीमानले कुरा दबाए ।
‘उनीहरूका कुरा सुन्दा प्रेमाले प्रेमीसँग जानका लागि छोरीको हत्या गरी आफू बाँचेर जाने योजना बनाएको देखिन्छ । प्रेमीले दुईजना मात्र भाग्न मिल्ने बताएकाले छोरीको हत्या गरेको हुन सक्छ,’ डीएसपी थापाले भने ।
***
रुपन्देहीकै लुम्बिनी सांस्कृतिक नगरपालिका– १३ कालिदहमा पुस १ गते राति करीब २१ वर्षीय सम्झना चाई घरमै जलेर आत्मदाह गरेको सूचना प्रहरीले पायो ।
प्रहरीलाई घटनामा केही आशंका लागेसँगै विभिन्न कोणबाट अनुसन्धान गर्न मृतकका श्रीमान् मुकेशलाई पक्राउ गरी अनुसन्धान थाल्यो ।
क्राइम सीन हेर्दा मृतकले आत्मदाह गरेको नभई हत्या भएको हुनसक्ने देखिएको थियो । उत्तानो अवस्थामा माथिको भाग मात्र जलेको, पोस्टमार्टममा पनि भित्री भागमा धुवाँ नगएको देखेपछि केही कारणले हत्या भएको पुष्टि गरे ।
तर, के कारणले हत्या भयो भन्नेबारे अनुसन्धान गर्दै जाँदा उनकै श्रीमान् मुकेशले दाइजोको लोभमा हत्या गरेको रहस्य खुल्यो ।
दाइजोका कारण हत्या भएको दाबी सहित माइती पक्षले इलाका प्रहरी कार्यालय लुम्बिनीमा जाहेरी दिएपछि घटनाले नयाँ मोड लिएको थियो ।
एक वर्षअघि उनीहरूबीच प्रेम विवाह भएको थियो । विवाह भएको ७ महिनामै जन्मिएको बालकको मृत्यु भएपछि उनीहरूबीच बच्चा र दाइजोको विषयलाई लिएर विवाद भउकाले श्रीमान्ले हत्या गरेको अनुसन्धानमा देखियो ।
चाईलाई प्रहरीले नियन्त्रणमा लिई ज्यानसम्बन्धी मुद्दा चलाइरहेको छ ।
श्रीमानले कोठाभित्र गई श्रीमतीलाई घाँटी बेरेर मारेको र बेडमै आगो लगाई भित्रबाट चुकुल बन्द गरी भेन्टिलेसनबाट बाहिर बासको सिँढी बनाई निस्केको स्वीकारेका छन् ।
***
रुपन्देहीकै गैडहवा गाउँपालिका वडा नम्बर ६ का २६ का दिनेश लोधको शव पुस १७ गते नजिकै गुलरिया सडकको पेटीनजिक फेला पर्यो ।
प्रहरीले लामो समय लगाएर अनुसन्धान गरेपछि घटनामा लुम्बिनी सांस्कृतिक नगरपालिका वडा नम्बर ७ का रामवरण यादवको संलग्नता रहेको पुष्टि भयो ।
आफ्नी श्रीमतीसँग दिनेशले यौन सम्बन्ध राखेको थाहा पाएपछि हत्या गरेको यादवले प्रहरीसमक्ष स्वीकार गरेका छन् ।
इलाका प्रहरी कार्यालय लुम्बिनीका निरीक्षक रवीन्द्र महतले घटनास्थलबाट उठाइएको प्रमाण, प्राविधिक पक्षको विश्लेषण लगायत अन्य अनुसन्धानबाट लोधको हत्या रामवरण यादवबाटै भएको खुल्न आएको बताए ।
...
ऋण मिनाहासहित बीमा रकम भुक्तानीको लोभमा रुपन्देहीको पतिजियामा भाइसँग मिलेर एक व्यक्तिले श्रीमतीको हत्या गरे ।
हत्यालाई दुर्घटना भन्दै प्रहरीमा सुचना दिने मृतकका श्रीमान् र देवरलाई जिल्ला प्रहरी कार्यालय रुपन्देहीले हत्याको आरोपमा अभियुक्तलाई सार्वजनिक गर्यो ।
दुईसाता अगाडि मात्रै जिल्लाको कोटहीमाई गाउँपालिका–१ पतिजियामा भएको सवारी दुर्घटनामा परी मृत्यु भएको भनिएको घटना योजनासहित हत्या भएको प्रहरी अनुसन्धानबाट पत्ता लाग्यो ।
सिपवास्थित झुलनीपुरदेखि मर्चवार जाने सडकमा पिकअपको ठक्करबाट महिलालाई ठक्कर दिई ब्याक गरेर पटकपटक गाडी चढाई महिला शक्त घाइते भएको अवस्थामा छ भन्ने सूचना इलाका प्रहरी कार्यालयले पाउनासाथ घटनाको अनुसन्धान शुरू गर्यो ।
मृतकका श्रीमान् शैलेशकुमार लोधले आफू छोरासहित मोटरसाइकलमा गइरहेको र नजिकै २ जना सवार अर्को मोटरसाइकल पनि रहेको भनी श्रीमान्ले सूचना दिएका थिए ।
जाहेरीमा लुटपाट भन्ने देखाए पनि श्रीमान्ले नै योजनाबद्ध रूपमा श्रीमतीको हत्या गरेको प्रहरी अनुसन्धानबाट खुलेको छ । प्रहरीले आवश्यक अनुसन्धानका लागि प्रारम्भिक चरणमा सवारी साधान र चालकलाई नियन्त्रणमा लिएपनि आवश्यक सोधपुछ र सवारी परीक्षणले दुवै अवस्था घटनास्थलमा नभएकाले दुर्घटना नभई हत्या भएको हुन सक्ने आंकलन प्रहरीले गरेको थियो ।
घटनालाई प्रहरीले दोस्रो चरणबाट अनुसन्धान गर्न श्रीमान् र घर परिवारलाई निगरानी र शंकास्पद व्यवहारले उनीहरूको संलग्नता रहेको पुष्टि गर्यो ।
अनुसन्धानबाट परिवारमा नै शंका भएपछि घटना भएको तेस्रो दिन अभियुक्त मृतकका पति शैलेशकुमार लोध र देवर राजेशकुमार लोधलाई प्रहरीले नियन्त्रणमा लिई ज्यानसम्बन्धी मुद्दा चलाइरहेको छ ।
मृतकको नाममा रहेको ऋण फिर्ता हुने र भारत तथा नेपालबाट करीब ४० लाखको बिमा रकम मृत्यु भएपछि पाउने लोभका कारण योजनाबद्ध रूपमा आफ्नो भारतीय कारले किचेर ज्यान लिएको प्रहरी अनुसन्धानबाट खुलेको छ ।
पैसाको लोभमा भाइले चलाएको गाडीबाट दाजुभाइ मिली हत्या गरेको अनुसन्धानबाट खुलेको जिल्ला प्रहरी कार्यालय रुपन्देहीका प्रमुख प्रहरी उपरीक्षक प्रवीण पोखरेलले जानकारी दिए ।
रुपन्देहीमा पछिल्लो सात महिनामा ७ वटा हत्याका घटना भएका छन् । अधिकांश सम्पत्ति तथा आर्थिक लोभका लागि आफन्तबाटै भएको अनुसन्धानबाट खुलेको डीएसपी थापा बताउँछन् ।
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...