३० असार २०८३, मंगलबार
जनता समाजवादी पार्टी (जसपा) सरकारमा सहभागी नहुने भएको छ ।
आफ्नै नेतृत्वको सरकार बन्ने अवस्था या राष्ट्रिय सहमतिको सरकार बनेमा मात्र सहभागी हुने जसपाले बताएको छ ।
अध्यक्षद्वय महन्थ ठाकुर र उपेन्द्र यादवले मंगलवार संयुक्त विज्ञप्ति प्रकाशित गरी सरकारमा सहभागी नहुने निर्णय गरेका हुन् ।
संयुक्त विज्ञप्तिसँगै फुटको मुखमा पुगेको जसपा जोगिएको छ । प्रधानमन्त्री केपी शर्मा ओलीलाई विश्वासको मत दिने/नदिने भन्ने विषयमा जसपामा विवाद भएको थियो ।
संघीय परिषद् अध्यक्ष डा. बाबुराम भट्टराईको पहलमा ८ बुँदे संयुक्त विज्ञप्ति जारी भएको हो ।
जेठ ८ र ९ गतेका लागि कार्यकारिणी समितिको बैठक बोलाउने निर्णय समेत भएको नेता विश्वदीप पाण्डेले जानकारी दिए । 
