०२ साउन २०८३, शनिबार
सर्वोच्चका अन्य वरिष्ठतम् न्यायाधीशहरू समेत प्रतिनिधि सभा विघटनको मुद्दा हेर्ने संवैधानिक इजलासमा बस्न नमिल्ने भन्दै सर्वोच्च अदालतमा निवेदन परेको छ ।
अधिवक्ता राजाराम घिमिरेले आफैँलाई संसदीय सुनुवाइ विशेष समितिबाट अनुमोदन गर्ने सांसदहरू निवेदक भएको रिट न्यायाधीशहरूले हेर्न नमिल्ने भन्दै निवेदन पत्र पेश गरेका हुन् ।
उक्त निवेदन दर्ताको प्रक्रियामा छ ।
न्यायाधीशहरू दीपककुमार कार्की, मीरा खड्का, हरिकृष्ण कार्की, विश्वम्भर श्रेष्ठ, ईश्वर खतिवडा, डा. आनन्दमोहन भट्टराई, अनिलकुमार सिन्हा, प्रकाशमान सिंह राउत र सपना प्रधान मल्ल इजलासमा बस्न नमिल्ने जिकिर निवेदकले गरेका छन् ।
यस्तै न्यायाधीश तेजबहादुर केसी र बमकुमार श्रेष्ठ पनि इजलासमा बस्न नमिल्ने जिकिर पनि निवेदनमा गरिएको छ ।
यस सम्बन्धमा लोकान्तर डटकमले समाचार समेत प्रकाशित गरेको थियो । त्यसलाई समेत आधार मानेर निवेदन पेश गरिएको निवेदकले बताए ।
