२३ जेठ २०८३, शनिबार
पछिल्लो २४ घन्टामा तीन हजार २१८ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार २ हजार २३१ पीसीआर र ९८७ जनामा एन्टिजेन पोजिटिभ देखिएको हो ।
यससँगै नेपालमा हालसम्म ७ लाख ८० हजार ८०७ जनामा कोरोना संक्रमण पुष्टि भएको छ ।
यस्तै पछिल्लो २४ घण्टामा १९ जनाको मृत्यु भएसँगै कुल मृत्यु संख्या १० हजार ३८ पुगेको छ ।
मन्त्रालयका अनुसार थप एक हजार ७२२ जना संक्रमणमुक्त भएका छन् । यससँगै हालसम्म कोरोना संक्रमणमुक्त हुनेहरूको संख्या ६ लाख ६७ हजार २७० पुगेको छ ।
हाल मुलुकभर ३५ हजार ४३२ सक्रिय संक्रमित छन् ।
