२२ असार २०८३, सोमबार
भारतको हिमाचल प्रदेशमा रहेको किन्नौर जिल्लामा पहिरो आएपछि त्यसमा फसेका मानिसको खोजी तथा उद्धार बिहीवार पनि भइरहेको छ ।
पहिरोका कारण १३ जनाको ज्यान गइसकेको छ ।
राजमार्गमा पहिरो जाँदा एउटा बस, ट्रक र दुईवटा कार ध्वस्त भएका थिए । बसमा रहेका कैयौं व्यक्ति अझै पनि त्यहीँ फसिरहेको प्रहरीले जनाएको छ ।
प्रहरी र अर्धसैनिक बल समेत गरी १०० भन्दा बढी उद्धारकर्तालाई हिलो हटाएर उद्धारका लागि खटाइएको छ । उनीहरूले चारवटा अर्थ रिमुभर यन्त्र उपयोग गरिरहेका छन् ।
घटनाको भिडियोमा डाँडाबाट पत्थरहरू खसिरहेको र राजमार्गमा गुडिरहेका गाडीमाथि बज्रिएको देखिन्छ ।
कुल १४ जनाको उद्धार गरिएको खोजीमा संलग्न अर्धसैनिक बलका एक प्रवक्ता विवेक कुमार पाण्डेले बताए । उनीहरू गम्भीर घाइते नभएको र विभिन्न लगिएको जानकारी जिल्ला प्रशासक आबिद हुसेन सादिकले बताए ।
मुसलधारे वर्षा हुँदा हिमाचल प्रदेशमा विगत केही हप्तामा अनेकौं पहिरो गएका छन् ।
भारतमा मनसूनको समयमा पहिरो र बाढी आउने गरेको छ ।
