चितवनका पत्रकारलाई नवलपरासीमा स्वागत

नेपाल पत्रकार महासंघ जिल्ला शाखा चितवनका पत्रकारलाई जिल्ला शाखा नवलपरासी (बर्दघाट–सुस्तापूर्व) र (बर्दघाट–सुस्तापश्चिम)मा स्वागत गरिएको छ ।


Advertisement

नवलपरासी पूर्वका शाखा अध्यक्ष वीरेन्द्र पराजुली सहितको टोलीले चितवनका अध्यक्ष नारायणप्रसाद अधिकारीको नेतृत्वमा आएको पत्रकारको टोलीलाई जिल्लामा स्वागत गरेको हो । 


Advertisement

स्वागतका क्रममा चितवनका अध्यक्ष अधिकारीले आमसञ्चार प्रशिक्षण प्रतिष्ठान चितवनमा बन्ने भनेर कुरा भइरहेको उल्लेख गर्दै त्यसका लागि नवलपुर शाखालाई सहयोग गर्न आग्रह गरे ।

‘आमसञ्चार प्रशिक्षण प्रतिष्ठान चितवनमा बन्ने कुरा भइरहेको छ, यो चितवन तथा नवलपरासीका लागि खुशीको कुरा हो,’ अध्यक्ष अधिकारीले भने, ‘यसका लागि नवलपरासी पूर्वको जिल्ला शाखाको समेत साथ र सहयोग आवश्यक छ, तपाईंहरूको सहयोग भएको खण्डमा चितवनमा प्रतिष्ठान निर्माण हुनसक्छ ।’


Advertisement

सबै जिल्लाबाट चितवन सहज पर्ने भएकाले बन्ने भनिएको प्रतिष्ठान निर्माणका लागि अधिकारीले सहयोग गर्न आग्रह गरे ।

सो अवसरमा जिल्ला शाखा नवलपरासी पूर्वका अध्यक्ष पराजुलीले आमसञ्चार प्रशिक्षण प्रतिष्ठान चितवनमा बनाउनका लागि आफ्नो जिल्लाबाट गर्नुपर्ने सम्पूर्ण सहयोग गर्ने बताए । ‘चितवन र नवलपरासी छिमेकी जिल्ला हुन्, चितवनमा प्रतिष्ठान निर्माण हुँदा नवलपरासीका धार्मिक, पर्यटकीय क्षेत्रको समेत प्रचारप्रसार तथा विकासमा टेवा पुग्छ,’ पराजुलीले भने, ‘चितवनमा प्रतिष्ठान निर्माणका लागि हाम्रो सहयोग जहाँ आवश्यक पर्छ त्यहाँ पुगेर सहयोग गर्न तयार छौं ।’

दुवै छिमेकी शाखाले एकअर्कालाई आवश्यक सहयोग गरेर अगाडि बढ्नुपर्ने पराजुलीले बताए ।

यसैबीच, शुक्रवार नै चितवनका पत्रकारलाई पत्रकार महासंघ नवलपरासी (बर्दघाट–सुस्तापश्चिम)मा समेत स्वागत गरिएको छ । शाखा अध्यक्ष हरि शर्मा सहितको टोलीले चितवनका पत्रकारलाई स्वागत गरेको हो ।

स्वागत गर्दै अध्यक्ष शर्माले चितवनलाई आवश्यक पर्ने सम्पूर्ण सहयोग गर्न तयार रहेको प्रतिबद्धता जनाए ।

कमेन्ट गर्नुहोस्