प्रोटोनको एकमात्र आधिकारिक बिक्रेता जगदम्बा मोटर्सले ​  "बिशेष ०.९९%" योजना सार्वजनिक गरेको छ ।

बिशेष ०.९९% ब्याजदर योजनाका साथै अन्य थुप्रै ब्याजदरको विकल्प समेत यस योजनामा समावेश गरिएको छ।

कम्पनीले यस योजना नेपालमै पहिलो र उत्कृष्ट  भएको समेत दावी गरेको छ ।

कम्पनीका अनुसार, यस योजना २४ असोज गतेबाट शुरू भएर चाडपर्वको मौसम जारी रहुन्जेलसम्म निरन्तर रहनेछ। 

नेपालमा बैंकको ब्याजदरमा उतारचढाव भैरहेको अवस्थामा पनि  यस योजना अन्तर्गत ग्राहकले प्रोटोनको सागा र एक्स७० मात्र ०.९९% ब्याजदरमा फाइनेन्सिङ्ग गरेर खरिद गर्न सक्नेछन्। उचित कागजपत्र बुझाइको ४८ घण्टामै ग्राहकहरुले आफुले रोजेको प्रोटोन गाडी खरिद गर्न सक्नेछन्।  

यस प्रोटोन "बिशेष" योजना बाहेक ग्राहकहरुले अन्य आकर्षक २.९९%, ५.९९%, ८.९९% र ११% ब्याजदरमा पनि फ़ाइनेन्सिङ्गको योजनाहरु पाउन सक्नेछन् जस अन्तर्गत ब्याज अनुसारको किस्ताबन्दीको सुबिधा पनि रहेको छ ।

 यी योजनाहरु सिमित अवधिका लागि मात्र लागु हुने कम्पनीको भनाइ छ  । किस्तावन्दीमा सवारी खरिद गर्नका लागि शंकर ग्रुप अन्तर्गतको जगदम्बा क्रेडिट एण्ड इन्भेस्टमेन्ट प्रा. लि. ले इन-हाउस फ़ाइनेन्सिङ्गको सुविधा प्रदान गर्दै आइरहेको छ। 

बिशेष ०.९९% अफर समायोजन नगरी प्रोटोन सागाको सुरुवाती मूल्य रू ३७ लाख ९९ हजार राखिएको छ भने प्रोटोन एक्स७०को सुरुवाती मुल्य रू ८६ लाख ९९ हजार तोकिएको छ भने यस योजना प्रोटोनका काठमाडौं, पोखरा र बुटवलमा रहेका सोरुममा लागु हुनेछ। 

प्रोटोन अटोमोबाइल कम्पनी छोटो समयमा प्रसिद्धि कमाउन सफल मलेशियाको राष्ट्रिय अटोमोबाइल कम्पनी  रहेको छ जसले १९८५ मा प्रोटोन साँगाकै रुपमा आफ्नो प्रथम गाडी बजारमा ल्याएको थियो।

त्यसपश्चात एकपछि अर्को गर्दै विभिन्न नयाँ मोडलहरु स्वदेशी तथा विदेशी बजारमा विक्री–वितरण गर्दै सफलता हाँसिल गरेको प्रोटोनका गाडीहरु  हाल संसारका ७० भन्दा धेरै मुलुकहरुमा देख्न सकिन्छन भने यसका लगभग ४.४ मिलियन प्रयोगकर्ता रहेका छन् ।