कात्तिक २०, २०८०
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
माघ २७, २०७८
नेपाली कांग्रेसको केन्द्रीय कार्यसम्पादन समितिको बैठकमा गठबन्धनमा रहेका दलहरूको चर्को आलोचना भएको छ ।
विशेषगरी मिलेनियम च्यालेन्ज कर्पोरेसन (एमसीसी) सँगको सम्झौताको विषयलाई लिएर सत्ता सहयात्री दलहरू नेकपा माओवादी केन्द्र र एकीकृत समाजवादी (एस) पार्टीको भूमिकाका विषयमा कांग्रेसको बैठकमा छलफल भएको हो ।
कांग्रेसको १४औं महाधिवेशनपछि गठन भएको केन्द्रीय कार्यसम्पादन समितिको पहिलो बैठक बिहीवार पार्टी कार्यालय सानेपामा बसेको थियो । बैठकमा बोल्ने नेताहरूले गठबन्धनमा रहेका दलहरूले दोहोरो चरित्र देखाएको बताएका थिए ।
बिहीवारको बैठकमा नेताहरू बलबहादुर केसी, विजयकुमार गच्छदार, रमेश रिजाल, शशांक कोइराला, उमा रेग्मी, आनन्द ढुंगाना, डा. रामशरण महत, नारायण खड्का, सुनिलबहादुर थापा र जितछिरिङ लामाले आफ्ना कुरा राखेका थिए ।
केन्द्रीय कार्यसम्पादन समितिको बैठकमा स्थानीय तह निर्वाचनको तयारी, म्याद सकिएका भातृ संगठन, एमसीसी लगायतको विषयमा छलफल भएको कांग्रेसका प्रवक्ता डा. प्रकाशशरण महतले बताए ।
बैठकमा सभापति शेरबहादुर देउवाले नेता डा. रामशरण महतलाई एमसीसीबारे आफ्ना कुरा राख्न आग्रह गरेका डा. शशांक कोइरालाले बताए ।
एमसीसीको सन्दर्भमा पार्टी सभापति देउवा एकलौटीरूपमा अघि बढेको पार्टीभित्रै आरोप लागेपछि उनले कार्यसम्पादन समितिको बैठकमा एमसीसीबारे छलफल गराएका हुन् ।
शुरूमा देउवाले एमसीसीबारे गठबन्धनमा भइरहेको छलफल बैठकलाई जानकारी गराएर डा. महतलाई बोल्न समय दिएका थिए ।
महतले एमसीसीबारे आफ्नो भनाई राखेपछि बैठकले एमसीसी पारित गर्ने निष्कर्ष निकालेको छ । गठबन्धन नरहे पनि एमसीसी पारित गर्नुपर्ने निष्कर्ष बैठकले निकालेको डा. शशांक कोइरालाले बताए ।
‘बैठकमा एमसीसीको बारेमा विस्तृतमा छलफल भएको छ । बैठकमा बोल्ने सबैजसो नेताले एमसीसी अगाडि बढाउनुपर्ने बताएका थिए तर सबैले गठबन्धनमा रहेका दलहरूको भूमिकाको बारेमा प्रश्न उठाएका छन्,’ नेता बलबहादुर केसीले भने ।
‘सरकारमा पनि रहने र सरकारले अघि बढाउन खोजेको विषयमा असहयोग पनि गर्ने यो दोहोरो चरित्र भयो भन्ने कुरा बैठकमा आएको छ,’ उनले भने, ‘सरकारमा भएका कारण दलहरू नैतिक हिसाबले बन्देजमा छन् । उनीहरूको भूमिका पनि सोही अनुसार हुनुपर्छ भन्ने मत बैठकमा प्रकट भएको छ ।’
कांग्रेसका प्रवक्ता डा. प्रकाशशरण महतले पनि एमसीसी संसदमा लैजानुपर्नेबारे बैठकमा छलफल भएको जानकारी दिए । ‘संसद नै सर्वोच्च निकाय हो । एमसीसीको बारेमा नियोजित प्रचार गरेर जनतामा भ्रम छरिएको विषय संसदमा छलफल हुन पायो भने यो विषय के रहेछ भन्ने थप स्पष्ट हुन्छ । एमसीसी संसदमा लैजान कि आपत्ति ?’ महतले भने ।
सभामुख अग्निप्रसाद सापकोटाले एमसीसीलाई संसदमा लैजान रोक्न नमिल्नेबारे कांग्रेसको बैठकमा छलफल भएको महतले बताए ।
कांग्रेसको बैठकमा आगामी स्थानीय तहको निर्वाचनमा गठबन्धन गर्न नहुने नेताहरूले बताएका छन् । ‘पार्टी सभापतिले सबैभन्दा पहिला आफ्नै पार्टीलाई एकजुट बनाएर लैजानुपर्यो । स्थानीय तहको चुनाव जित्न सक्ने हैसियतको बनाउनुपर्यो भन्ने कुरा बैठकमा राखेको छु,’ केसीले भने, ‘आज बोल्ने सबैजसो नेताले चुनावमा गठबन्धन गर्न नहुने विचार राखेका थिए ।’
बैठकमा बोल्ने नेताहरूले भातृ संघसंस्थालाई नेताको खल्तीबाट नचलाउन भनेका छन् । विगतमा नेताको रुचि अनुसारको व्यक्ति भातृ संघसंस्थाको नेतृत्वमा ल्याउँदा ती संस्था बिग्रिएका र आगामी दिनमा त्यसो नगर्न पनि पार्टी नेतृत्वलाई कांग्रेस नेताहरूले सुझाव दिएका छन् ।
‘नेपाल विद्यार्थी संघ (नेविसंघ) अहिले भताभुङ्ग अवस्थामा छ । हिजोको शैलीमा भातृ संगठन चलायो भने कांग्रेस शून्यमा पुग्छ । नेतृत्वले त्यसमा ध्यान दिनुपर्छ भन्ने कुरा बैठकमा आएको छ,’ केसीले भने ।
कांग्रेस केन्द्रीय कार्यसम्पादन समितिको बिहीवारको बैठकमा सबै नेताले बोल्न नभ्याएको कारण बैठक शुक्रवार पनि बस्ने प्रवक्ता महतले जानकारी दिए ।
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...