नेकपा एमालेका केन्द्रीय सदस्य समेत रहेका व्यवसायी दुर्गा प्रसाईंले आफूलाई ‘माफिया’को आरोप लगाउने पत्रकारलाई अदालत नबन्न चेतावनी दिएका छन् । 

बुधवार भक्तपुरको सूर्यविनायकमा आफ्नै लगानीमा खुलेको तरकारी बजार उद्घाटनका क्रममा प्रसाईंले सयौंलाई रोजगारी दिने आफूलाई माफियाको ट्याग लगाइएको भन्दै आक्रोश व्यक्त गरेका हुन् । 

‘जनतालाई रोजगारी दिनु माफियागीरी गर्नु हो भने बाँचुञ्जेल गर्न चाहन्छु । पत्रकारहरू तपाईंहरू अदालत नबन्नुस्, तपाईंहरूका कारण कतिले घाँटीमा डोरी लगाइरहेका छन् । तपाईंहरूको मसी कसैको लागि घाँटीको पासो नबनोस्,’ प्रसाईंले भने ।