२२ असार २०८३, सोमबार
रूपन्देहीमा एमाले बलियो रहेको भन्दै सत्ता गठबन्धन आबद्ध पाँच दलले चुुनावी तालमेल आवश्यक रहेको ठहर गरेका छन् ।
रूपन्देहीमा १ उपमहानगरपालिका ५ नगरपालिका र १० गाउँपालिका गरी १६ स्थानीय तह छन् ।
नेपाली कांग्रेस रूपन्देहीको पार्टी कार्यालय, भैरहवामा बसेको गठबन्धनमा आबद्ध दलहरूको बैठकले चुनावी तालमेलको आवश्यकता ठहर गर्दै सो को लागि जिल्लास्तरीय संयन्त्र गठन गरेको छ ।
कांग्रेस रूपन्देहीका सभापति रामकृष्ण खाँणको संयोजकत्वमा नेकपा माओवादी केन्द्रका जिल्ला संयोजक नारायण जिसी, जनता समाजवादी पार्टीका जिल्ला अध्यक्ष रामअवतार यादव, नेकपा एकीकृत समाजवादीका अध्यक्ष राजुु गुुरुङ र राष्ट्रिय जनमोर्चाका जिल्ला अध्यक्ष बद्रे आलम सदस्य रहेको समिति गठन गरिएको हो ।
उक्त समितिले आगामी स्थानीय तहको निर्वाचनमा जिल्लाको वस्तुस्थिति बुुझेर केन्द्रलाई सुुझाव पठाउने छ । साथै जिल्लामा आवश्यक रणनीति तय गर्नेछ ।
संयन्त्रले आ–आफ्नो पार्टीको स्थानीय तहमा वस्तुस्थिति बुुझेर चैत २२ गते थप छलफल गर्ने सभापति खाँणले बताए ।
एमालेले २०७४ को निर्वाचनमा बुटवल उपमहानगरपालिका, सैनामैना, तिलोत्तमा, सिद्धार्थनगरसहित ७ वटा स्थानीय तहमा जित निकालेको थियो ।
त्यस्तै ओमसतिया र रोहणीबाट निर्वाचित गाउँपालिका अध्यक्ष एमालेमा प्रवेश गरिसकेका छन् ।
