लमजुङमा १० दिनसम्म विद्युत् आपूर्ति बन्द हुने

लमजुङमा १० दिनसम्म विद्युत् आपूर्ति बन्द हुने भएको छ ।

नेपाल विद्युत् प्राधिकरण  लमजुङ  वितरण  केन्द्रका  अनुसार चैत  २४  गते  बिहीबारदेखि  वैशाख  ३  गते शनिबारसम्म विद्युत् आपूर्ति बन्द हुने भएको हो ।

केन्द्रका  प्रशासन  प्रमुख  अशोककुमार कर्णका  अनुसार  उक्त  अवधिमा  बिहान  ८ बजेदेखि साँझ ६ बजेसम्म विद्युत् बन्द हुनेछ ।

केन्द्रअन्तर्गतको  २२०  केभी  प्रसारण  लाइन आयोजनाको उदीपुरदेखि मस्र्याङ्दी पावरहाउस खण्डमा  तार  तान्ने  काम  भइरहेकाले  विद्युत् बन्द  हुने  भएको  हो ।

 ३३  केभी  उदीपुर  खुदी लाइन  र  ११  केभी  बेसीसहर  फिडर  बन्द  हुने जनाएको  छ ।  

तोकिएको  समयभन्दा  अघि  नै विद्युत् लाइन सञ्चालन गरिने केन्द्रले जनाएको छ ।  विद्युत्  आपूर्ति  बन्द  हुँदा  नागरिकमा  पर्ने असुविधाप्रति केन्द्र क्षमायाचना गरेको छ । गोरखापत्र दैनिकमा खबर छ ।