नेकपा माओवादी केन्द्रका अध्यक्ष पुष्पकमल दाहाल प्रचण्डको फेसबुक पेजबाट एमालेका उपाध्यक्ष रामबहादुर थापा बादलको उछितो काढ्नेगरी स्टेटस पोस्ट भएको छ । 

एमाले उपाध्यक्ष बादलको अभिव्यक्ति समेटिएको एक अनलाइन सञ्चारमाध्यमको समाचार लिंक शेयर गर्दै प्रचण्डको फुेसबुकबाट बादलको आलोचना गरिएको छ । 

बादलले एमाले अध्यक्ष केपी ओली युवाहरुको मात्रै बा नभएर विचार र आस्थाको पनि बा भएको भन्ने अभिव्यक्ति उक्त समाचारमा समेटिएको छ । 

त्यसैको लिंक शेयर गरेर प्रचण्डको फेसबुक पेजमा भनिएको छ, ‘स्खलनको चरमता !’

‘यही आस्थाका बा थिए भने २०५१ मै केपीको भजन गाएको भए हुने । लाखौ युवालाई सपना देखाएर आज तिनै सपना बलात्कृत गर्ने बाहरुको चाकरी गर्न अलिकति पनि लज्जा लाग्दैन ? पतनको यो घिनलाग्दोपना किन प्रदर्शन गरिराख्छौं ?’, प्रचण्डको फेसबुक पेजमा बादलको आलोचना गर्दै लेखिएको छ । 

प्रचण्डको आधिकारिक फेसबुक पेजमा पोस्ट भएको यो स्टेटस ५ शेयर भएको छ भने १२८ प्रतिक्रिया आएको छ । 

अहिले भने उक्त स्टेटस प्रचण्डको फेसबुक पेजबाट हटाइएको छ ।