काठमाडौं महानगरपालिकाको जारी मतगणनामा काँग्रेसबाट मेयरको उम्मेदवार रहेकी सिर्जना श्रेष्ठ दोस्रो स्थानमा उक्लिएकी छन् । शनिबार राति १० बजे जानकारी गराइएको आधिकारिक मतपरिणामअनुसार सिर्जना दोस्रो स्थानमा उक्लिएकी हुन् । 
सिर्जना श्रेष्ठले १९ हजार ३१५ मत पाउँदा एमालेका केशव स्थापितले १८ हजार ९७८ मत पाएका हुन् । पहिलो स्थानमा भने स्वतन्त्र उम्मेदवार बालेन्द्र साह नै रहेका छन् । उनले हालसम्म ३४ हजार ९३५  मत पाएको मुख्य निर्वाचन अधिकृतको कार्यालयका शाखा अधिकृत प्रेम कुमार श्रेष्ठले जानकारी दिए ।