नेकपा एमालेका सांसद गोकुल बास्कोटाले माओवादी सांसद गजेन्द्र महतले संसदको रोस्ट्रममा उभिएर हात चाटेको विषयमा टिप्पणी गरेका छन् ।

बिहीवार प्रतिनिधि सभा बैठकमा बजेटमाथिको सैद्धान्तिक छलफलमा भाग लिँदै बाँस्कोटाले सांसदले जिब्रो चाट्दै गर्दा फोहोर भएको ड्यास सफा भएको त होला भनी ठट्टा गरे ।

‘आशा गर्छु यो ड्यास सफा भएको होला, किनभने बजेट पेश भो, मह चाट्न पाइयो भनेर जिब्रो चाट्दै दल्दै गरेको देखेको थिएँ, कोभिड सर्दैन होला भन्ने विश्वास गर्दछु,’ बास्कोटाले भने । 

मंगलवार प्रतिनिधि सभा बैठकमा माओवादी सांसद महतले जुम्लामा प्रख्यात भालुको किस्सा सुनाउँदै प्रतिपक्षी दलको हालत बर्खा याममा मह चाटेको भालुको जस्तै भएको टिप्पणी गरेका थिए ।

बास्कोटाले बजेट सुन्दा कर्णप्रिय भए पनि कर्णप्रिय कुराभित्र हवाइ कल्पना भरिएको टिप्पणी गरे ।

पढ्नुहोस्, यो पनि :

संसदमा हात चाट्दै सांसद महतले भने– प्रतिपक्षीको हालत जुम्लाको भालुको जस्तै