२८ जेठ २०८३, बिहीबार
भारतको उत्तर प्रदेशमा मुस्लिम समुदायले प्रदर्शन चर्काएपछि मुख्यमन्त्री योगी आदित्यनाथ नेतृत्वको सरकारले कडाइ गरेको छ ।
भारतीय जनता पार्टी (भाजपा) नेत्री नूपुर शर्माको विवादित बयानपछि सडक प्रदर्शन बढेर हिंसाको अवस्था सिर्जना हुन थालेपछि योगी सरकारले कडाइ गरेको हो ।
उत्तर प्रदेशका प्रयागराज, सहारनपुर, मुरादाबादमा ढुंगामुढासहित हिंसात्मक प्रदर्शन भएका छन् । प्रदर्शनकारीले सरकारी सम्पत्ति तोडफोड गरेका भारतीय सञ्चारमाध्यमले जनाएका छन् ।
प्रदर्शनकारीमाथि ग्याङस्टर कानून लगाएर सम्पत्ति जफत गर्ने आदेश गरिएको एडीजी प्रशान्त कुमारले जनाएका छन् ।
प्रदर्शनमा संलग्न रहेका १०९ जनालाई उत्तर प्रदेश प्रहरीले पक्राउ गरेको छ । हजारौंको संख्यामा प्रदर्शनकारी सडकमा उत्रिएका छन् ।
