नेकपा एसका १० सांसदहरूले संसदीय दलको बैठक माग गरेका छन् । 

मन्त्री हेरफेरको विषयमा पार्टीभित्र विवाद भइरहेका बेला उनीहरूले अध्यक्ष माधव नेपाललाई संसदीय दलको बैठक बोलाउन माग गरेका हुन् । 

यसरी बैठक माग गर्नेहरूमा नेकपा (एस)बाट मन्त्री बनेकाहरू चार जना र ६ जना अन्य सांसदहरू छन् । 

ध्यानाकर्षण बुझाउनेमा मन्त्रीहरू विरोध खतिवडा, रामकुमारी झाँक्री, प्रेम आले, कृष्णकुमार श्रेष्ठ र अन्य सांसदहरू कृष्णलाल महर्जन, गोपालबहादुर बम, विनादेवी बुढाथोकी, पुष्पाकुमारी कर्ण कायस्थ, धनबहादुर बुढा र निरा जैरु रहेका छन् । उनीहरूले ८ बुँदे माग गरेका छन् । 

ध्यानाकर्षणपत्रमा उनीहरूले बजेट अधिवेशन चलिरहेको समयमा एक्कासि मन्त्रीमण्डल पुनर्गठन गर्ने कुरा सही र स्वभाविक मान्न नसकिएको, पटकपटक मन्त्रीहरूलाई अपराधीजस्तो व्यवहार गरिएकोजस्ता विषय उल्लेख गरेका छन् ।