सरकारबाट फिर्ता बोलाउने निर्णयलाई चुनौति दिएका नेकपा एसबाट सरकारमा सहभागी मन्त्रीहरू पोलिटव्युरो बैठकमा सहभागी भएका छन् । 

पार्टी केन्द्रीय कार्यालय शान्तिनगरमा शुक्रवार बसिरहेको बैठकमा मन्त्रीहरू सहभागी भएका हुन् । 

मन्त्रीबाट फिर्ता बोलाउने निर्णयलाई चुनौति दिँदै नेकपा एसका १० सांसदले संसदीय दलको बैठक बोलाउन हस्ताक्षर संकलन गरेका थिए ।

सरकारमा सामेल मन्त्रीहरूलाई अपराधीको जस्तो व्यबहार गर्दै फिर्ता बोलाइएको भन्दै चार मन्त्रीले पार्टीमा चुनौति दिएका थिए ।

ढिलो गरी पार्टी बैठकमा सहभागी हुन पुगेकी शहरी विकास मन्त्री रामकुमारी झाँक्रीले संसदीय दलको बैठक बोलाउने मागबारे पत्रकारसँग केही बोलिनन् ।

मन्त्री फिर्ता बोलाउने निर्णयविरुद्ध १० सांसदले चुनौति दिएपछि नेकपा एसको विवाद उत्कर्षमा पुगेको छ ।