×

X
Nic Asia
Khukuri

ठूला होटलकै सञ्चालनमा प्रश्न

नाम चलेका होटल नै अवैध, पाँचतारेदेखि पर्यटनस्तरका अधिकांशले गरेनन् नवीकरण !

काठमाडाैं | साउन २९, २०७९

NTC
Argakhanchi Cement
Premier Steels
TVS INSIDE

नेपालका पर्यटकस्तरदेखि पाँचतारेसम्मका होटल नवीकरण विना नै अवैध रूपमा सञ्चालन भइरहेको पाइएको छ ।

LAxmi BAnk
nabil BANK inside

पर्यटन ऐन, ३०३५ तथा पर्यटन उद्योग सेवा प्रवाह निर्देशिका, २०७० अनुसार होटल व्यवसाय अनिवार्य दर्ता र नवीकरण गरेर मात्रै सञ्चालन हुनुपर्छ ।


Advertisment
RMC TANSEN
cg elex island
NIC ISLAND BOX

उक्त व्यवस्थाविपरीत पर्यटकस्तरदेखि पाँचतारेसम्मका होटल नवीकरणविनै सञ्चालन भइरहेका हुन् ।

संस्कृति, पर्यटन तथा नागरिक उड्डयन मन्त्रालयअन्तर्गतको पर्यटन विभागले उपलब्ध गराएको तथ्यांकअनुसार ५ वटा पाँचतारे होटलले नवीकरण गरेका छैनन् । यसमध्ये पोखराको फूलबारी रिसोर्ट वर्षौंदेखि बन्द छ । 


Advertisment
Saurya island

फूलबारी रिसोर्ट १९ कात्तिक २०५६ मा पाँचतारे होटलमा वर्गीकरण भए पनि त्यसपछि एकपटक पनि नवीकरण भएको देखिएको छैन । यो होटल बन्द भएकाले नवीकरण नभएको हुनसक्ने पर्यटन विभागको भनाइ छ ।

त्यसो त ०५६ पछि एकपटक सञ्चालनमा आउँदा पनि नवीकरण भएन ।

Vianet communication
IME BANK INNEWS

कोरोना महामारीपछि दरबारमार्गको होटल अन्नपूर्ण पनि बन्द छ । यो होटल बन्द भएको औपचारिक जानकारी भने विभागलाई छैन । विभागले सञ्चालनमै रहेको भन्ने सूचीमा राखेको छ ।

अन्य तीनवटा पाँचतारे होटल विनानवीकरण अवैधरूपमा निर्बाध सञ्चालन भइरहेको विभागकै तथ्यांकले देखाएको छ ।

पर्यटन मन्त्रालयले लोकान्तरलाई उपलब्ध गराएको एक तथ्यांकअनुसार द होटल एभरेष्ट इन्टरनेसनल १२ मंसिर २०७० पछि नवीकरण भएको छैन ।

केही वर्ष बन्द भएर पुनः सञ्चालन आएको यो होटल नवीकरण नगरी सञ्चालनमा रहेको हो ।

राजधानीको लाजिम्पाटमा रहेको ओरियन्टल होटल्स लिमिटेड (र्‍याडिसन) पनि २५ असार २०७४ पछि नवीकरण भएको छैन । उसको नवीकरणको म्याद गएको असार मसान्तमा सकिएको हो ।

नवीकरण नगरी सञ्चालन गर्ने पाँचतारे होटलमा याक एण्ड यति पनि छ । 

यो होटल २२ फागुन २०७० देखि नवीकरण भएको छैन । २४७ कोठा संख्या रहेको होटल निरन्तर सञ्चालनमा रहेपनि ९ वर्षदेखि नवीकरण नभएको पर्यटन विभागको तथ्यांकले देखाएको छ ।

पब्लिक कम्पनीका रूपमा रहेका र सर्वसाधारणको समेत लगानी रहेका यस्ता होटल नेप्सेमा समेत सूचीकृत भएपनि नवीकरणविना नै सञ्चालन भइरहेको पाइएको छ ।

नवीकरण नभएका होटलले विदेशी मुद्रा विनिमय कारोवारको अनुमति पाउँदैनन् । पर्यटन विभागको सिफारिशमा नेपाल राष्ट्र बैंकले विदेशी मुद्रा कारोवारको अनुमति दिने हो । 

पर्यटन विभागका निर्देशक तथा सूचना अधिकारी सूर्यप्रसाद उपाध्यायका अनुसार सेवा सञ्चालन गर्दा पर्यटक स्तरदेखि पाँचतारे डिलक्सम्मका सबै होटलले नवीकरण गर्नुपर्छ ।

बर्सेनि करोडौंको कारोवार गर्ने होटलहरूले हरेक ५ वर्षमा सामान्य शुल्क (बढीमा १ हजार रुपैयाँ) तिरेर नवीकरण गर्न सक्छन् । तर पनि होटलहरू नवीकरण नगरी अवैध रूपमा सञ्चालन भइरहेका छन् ।

नवीकरण नगरेका होटललाई पर्यटन विभागले विदेशी मुद्रा कारोवार, हरियो नम्बर प्लेटको पर्यटकीय सवारी साधनको प्रयोग र प्राथमिकता प्राप्त उद्योगअन्तर्गत भन्सार सहुलियतको सिफारिश गर्न मिल्दैन । तर, त्यसविपरीत नवीकरण नगरेका होटलले पनि यी सुविधा लिएर पर्यटकलाई सेवा दिइरहेका छन् ।

विभागको तथ्यांकअनुसार दरबारमार्गमा रहेको होटल डेला अन्नपूर्ण पनि २७ कात्तिक २०७३ देखि नवीकरण भएको छैन । कोरोना महामारीपछि यो होटल सञ्चालमा नरहेकाले पनि होटल नवीकरण नगराई बसेको हुन सक्ने पर्यटन विभागकै अधिकारीको भनाइ छ । 

पर्यटन विभागका अनुसार होटल नवीकरण विना सञ्चालन गर्न पाइँदैन । नवीकरण नभएका होटललाई विभागले  अनुगमन गरी कारवाही गर्न सक्छ भने पर्यटकीय सेवा सुविधा र डलर सटहीको सिफारिश पनि गर्न मिल्दैन । 

विभागका सूचना अधिकारी उपाध्यायका अनुसार डलर सटहीको सुविधा लिन पनि हरेक होटलले ६/६ महिनामा विवरण अनिवार्य बुझाउनु पर्छ । 

अनुगमन गरेर कारवाही गर्ने जिम्मेवारी विभागले समेत पूरा गरेको देखिँदैन । नवीकरण नगर्ने होटलहरूलाई कारवाहीका लागि विभागले कुनै पहलकदमी लिएको देखिँदैन ।

नवीकरण नगरेका होटलले कसरी डलर सहटी सुविधा लिएका छन् र किन नवीकरण गरेनन् भन्ने विषयमा बुझेर मात्रै भन्न सकिने उपाध्यायले लोकान्तरलाई बताए ।

होटल संघ नेपाल (हान)का महासचिव साजन शाक्यले पर्यटन विभागमा दर्ता नभएका होटलको अनुगमन गरेर अनिवार्य दर्ता गराउने र दर्ता भएकालाई नियमित नवीकरण पनि गराउनुपर्ने बताए । 

व्यवस्थामा केही परिवर्तन भएकाले पनि नवीकरण नभएको हुनसक्ने उनको भनाइ छ ।

‘पर्यटकस्तरीयका ५० बेडसम्मका होटलले प्रारम्भिक वातावरणीय प्रभाव परीक्षण (आइईई)गर्नुपर्ने व्यवस्था थियो । यो व्यवस्था पछिल्लो समय २५ बेडसम्मकाले नै गर्नुपर्ने गरी अनिवार्य गरेकोले त्यसको प्रक्रिया पूरा नभएर रोकिएको हुनसक्छ ।’

अन्यथा सबै होटलको नवीकरण अनिवार्य हुनैपर्ने बुझाइ शाक्यको छ । कुनै होटल प्रक्रिया भएका र कुनै समस्या भएर रोकिएको हुनसक्ने बाहेक सबै कानूनी दायरा र प्रक्रियामा नै आउनुपर्ने शाक्यले बताए ।

नेपालमा विदेशी पर्यटक भित्र्याउने र सेवा दिने पर्यटन क्षेत्रको प्रमुख उद्योग होटल नै नवीकरणविना अवैध सञ्चालन हुनुले नकारात्मक सन्देश गइरहेको छ । होटल नवीकरण हुन होटलले सेयर संरचनाको विवरण बुझाउनेदेखि आवश्यक तोकिएको प्रक्रियासमेत पूरा गर्नुपर्ने पर्यटन विभागको भनाइ छ ।

यो व्यवस्थालाई लत्याएर होटलहरू अवैधानिक रूपमा सञ्चालन भइरहेका छन् ।

हेर्नुहोस्, पर्यटनस्तर र त्यसमाथिका होटलहरूको सूची :

Maruti inside
Mega
NLIC
TATA Below
ncc inside
मंसिर १३, २०७९

नेपाल राष्ट्र बैैंकले तोकिएको नियम तथा निर्देशन नमानेको भन्दै चालु आर्थिक वर्षको पहिलो त्रैमासमा ९ वटा वाणिज्य बैंकलाई कारबाही गरेको छ । केन्द्रीय बैंकले विभिन्न समयमा जारी गरेको नियम, सर्कुलर तथा निर्देशन...

मंसिर १२, २०७९

राष्ट्र बैंकले मौद्रिक नीतिको त्रैमासिक समीक्षामार्फत गरेको व्यवस्थाले वित्तीय स्थायित्व कायम गर्न नसक्ने चेम्बर अफ कमर्सले जनाएको छ । संकुचित मौद्रिक नीतिसँगै त्रैमासिक समीक्षाले वित्तीय क्षेत्रमा देखिएको समस्या सम्बोधन...

मंसिर १२, २०७९

नेपाल राष्ट्र बैंकले लघुवित्त वित्तीय संस्थाको नगद लाभांश वितरणसम्बन्धी व्यवस्थामा संशोधन गरेको छ । राष्ट्र बैंकले सोमवार परिपत्र जारी गर्दै ‘घ’ वर्गका इजाजतपत्र लघुवित्त वित्तीय संस्थालाई जारी गरिएको एक...

मंसिर १४, २०७९

चितवनको तामिन कुनैबेला सुन्तला उत्पादन राम्रो हुने ठाउँका रूपमा प्रख्यात थियो । इच्छाकामना गाउँपालिका–५ तामिनका किसानले एउटा याममै लाखौँ रुपैयाँको सुन्तला बिक्री गर्थे । सुन्तला उत्पादनको पकेट क्षेत्रसमेत...

मंसिर १३, २०७९

देशको प्रमुख व्यापारिक नाका वीरगञ्जको राजस्व सङ्कलन लगातार चार महिनादेखि घट्दै गएको छ । चालु आर्थिक वर्षको साउन महिनामा लक्ष्यको ८५ प्रतिशत राजस्व सङ्कलन गरेको वीरगञ्ज भन्सार कार्यालयले कात्तिक महिनामा ६० प्रतिशत मा...

मंसिर १३, २०७९

कोहलपुरदेखि सुर्खेतसम्म १३२ केभी प्रशारण लाइन निर्माणका लागि बाटो खुलेको छ । बाँके र बर्दिया राष्ट्रिय निकुञ्जमा पर्ने १७५ रोपनी जग्गा प्रयोग गरेवापत नेपाल विद्युत् प्राधिकरणले सट्टाभर्ना वापत जग्गा दिनेभएपछि निर्मा...

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मंसिर ९, २०७९

मधेश आन्दोलनबाट उदाएका राजनीतिक दलहरूको अहिले भएको हार स्वाभाविक नै हो । केही दिनपछि मान्छेमा वितृष्णा आउनु स्वाभाविक नै हो । मधेश आन्दोलनको आक्रोश मत्थर भएको छ । सबै आ-आफ्नै कामधन्दामा लागेका छन् । नुन, तेल,...

जनताको बीचमा रहेर काम गरेकाले मैले चुनाव जित्ने निश्चित छ– परशुराम बस्नेत [कुराकानी]

जनताको बीचमा रहेर काम गरेकाले मैले चुनाव जित्ने निश्चित छ– परशुराम बस्नेत [कुराकानी]

मंसिर १, २०७९

परशुराम बस्नेत प्रदेशसभा सदस्य उम्मेदवार, मोरङ, क्षेत्र नम्बर ६ (ख) म निर्वाचनमा उम्मेदवारी दर्तापछि विभिन्न अभियानमा सहभागी हुनका लागि बिहान ५ बजे उठ्छु । व्यस्तता बढी हुने भएकाले प्रायःजसो राति १ बजे सुत्छु ...

रुपन्देहीका सपनालाई विपनामा बदल्ने नेता विष्णु पौडेल

रुपन्देहीका सपनालाई विपनामा बदल्ने नेता विष्णु पौडेल

कात्तिक ३०, २०७९

डी.आर. घिमिरे पुराना बेठीक नयाँ ठीक भन्ने भाष्य अहिले नेपाली राजनीतिमा खडा गरिएको छ । निर्वाचनका सन्दर्भमा यो कति ठीक हो भन्ने समीक्षा गर्न पाँच वर्ष कुर्नुपर्ने अवस्था छ । तथापि फोहोर बनेको राजनीतिलाई...

ad
x