×

X
Nic Asia
Khukuri
Daraz

प्रतिनिधि सभा निर्वाचन २०७९

एमालेको प्राथमिकता घनश्याम कि राप्रपाका दीपक, यस्तो छ चुनावी हिसाब

बुटवल | असोज १६, २०७९

NTC
Argakhanchi Cement
Premier Steels
TVS INSIDE

एमाले नेता घनश्याम भुसालले नेपालीको राजनीतिमा बौद्विक नेताको पहिचान बनाएका छन् । विशेषगरी, मार्क्सवादी दृष्टिकोणको विवेचना र विश्लेषणमा उनको दखल छ । 

LAxmi BAnk
nabil BANK inside

नेकपा एमालेमा स्थायी कमिटी सदस्य रहेका भुसाल उत्तिकै आलोचनात्मक पनि छन् । पार्टीमा सधैं प्रतिपक्षको बेन्चमा देखिन्छन् उनी । 


Advertisment
RMC TANSEN
cg elex island
NIC ISLAND BOX

एमालेमा अहिले पार्टी अध्यक्ष केपी ओलीको सोच, शैली र निर्णयमाथि टिप्पणी र प्रश्न गर्नेमा उनी एक्लोजस्तै छन् । तर, निर्वाचनको मिति नजिकिदै जाँदा भुसाल चुपचाप छन् । गृहजिल्ला रूपन्देहीमा भइरहेका पार्टीका प्रदेशस्तरीय छलफल, प्रशिक्षण, चुनावी रणनीति निर्माणका कार्यक्रममा उनलाई स्थानीय नेताहरूले खबरसमेत गर्दैनन् ।

लामो समयदेखि जिल्लामा हुने राजनीतिक कार्यक्रममा भुसाललाई देख्न छाडिएको छ । उनीनिकट नेताहरू भने उनलाई आगामी चुनावमा रोक्ने पार्टी केन्द्रको नीति भएकाले स्थानीयस्तरमा सोहीअनुसारको प्रयोग भइरहेको बताउँछन् । 


Advertisment
Saurya island

राजनीतिक दर्शनको विमर्शमा रूची र क्षमता राख्ने भुसालको भूगोलमा पार्टी निर्माणमा योगदान नभएको भनेर उनको आलोचना पनि हुने गरेको छ । 

भुसाल आफैँले पनि गृहमन्त्री तथा कांग्रेसका प्रभावशाली नेता बालकृष्ण खाँणसँग प्रतिष्पर्धा गर्न नसकिने आंकलन गरेरै गुपचुप बसिरहेको एमालेकै कतिपय नेताहरू बताउँछन् । 

Vianet communication
IME BANK INNEWS

दलहरूले उम्मेदवार टुंगो नलगाए पनि ठूला दलका नेता कार्यकर्ताहरू भने चुनावी गतिविधि लिएर गाउँ फर्किएका छन् । तर, एमाले नेता भुसालले अहिलेसम्म चुनावी कार्यक्रममा चासो देखाएका छैनन् ।  

रूपन्देही क्षेत्र नम्बर–१ र ३ बाट प्रतिनिधिसभा सदस्यको लागि उम्मेदवार सिफारिस भए पनि उनको नाम एकल सिफारिस भने हुन सकेन । 

२०७४ को चुनावमा रूपन्देही क्षेत्र नम्बर–३ बाट राष्ट्रिय प्रजातन्त्र पार्टी (राप्रपा) वरिष्ठ नेता दीपक बोहोरालाई पराजित गर्दै भुसाल निर्वाचित भएका थिए । अहिले एमालेले राप्रपासँग चुनावी तालमेल गरेर भुसालको क्षेत्र राप्रपालाई दिन लागेको चर्चा एमालेवृत्तमा छ । 

कांग्रेस नेता तथा गृहमन्त्री खाण पनि रूपन्देही क्षेत्र नम्बर–३ बाट उम्मेदवारकोरूपमा एकल सिफारिस भएका छन् । उनको नाम रूपन्देही–२ बाट पनि सिफारिस भएको छ । 

एमाले नेता भुसालसँगै रूपन्देही–३ बाट तिलोत्तमा नगरपालिकाका निर्वतमान मेयर बासुदेव घिमिरे, प्रदेश सदस्य यज्ञजित शाह र दुर्गा भुसालको नाम पनि प्रतिनिधि सभा सदस्यको उम्मेदवारकोरूपमा सिफारिस भएको छ ।

भुसाल पार्टीभित्र र बाहिर बौद्धिक, समाजको चरित्र बुझ्न सक्ने र विकासको मोडल बनाउन सक्ने नेताकोरूपमा चिनिन्छन् । तर, उनी कृषि तथा पशुपंक्षी विकास मन्त्री हुँदा प्रभावकारी काम गर्न नसकेको भनेर जिल्लामा उनकै कार्यकर्ताले आलोचना गरेका थिए ।

एमाले अध्यक्ष केपी शर्मा ओलीको कार्यशैलीलाई लिएर प्रश्न उठाइरहने भएका कारण ओलीले यस पटक उनलाई संसद्मा आउन नदिने रणनीति बनाइरहेको भुसालनिकट नेताहरूको दाबी छ ।

भुसालले वामपन्थी एकताको पक्षमा आफूलाई प्रस्तुत गरेको र पार्टी विभाजनको दोष अध्यक्ष ओलीलाई लगाएकोप्रति पनि ओलीको असन्तुष्टि देखिएको भुसालनिकट नेताहरू बताउँछन् । 

तत्कालीन नेकपा र त्यसपछि एमाले विभाजन भइसकेपछि भुसालले आफूलाई वामपन्थी एकताको पक्षमा प्रस्तुत गरिरहेका छन् । आगामी चुनावमा वामपन्थी तालमेल गरेर जानुपर्ने प्रस्ताव उनले पार्टीको पोलिटव्यूरो र स्थायी कमिटी बैठकमा गरेका थिए । तर, अध्यक्ष ओलीले भुसालको प्रस्तावलाई बैठकको कार्यसूची बन्नै दिएनन् । वाम दलहरूबीचको एकताबाटै मुलुकले निकास पाउने भुसालको धारणा छ । 

तर, एमाले नेता भुसाल भने आफू पार्टी नेता÷कार्यकर्तासँग निरन्तर सम्पर्कमै रहेको बताउँछन् । ‘कसले मलाई गुमनाम बनायो थाहा भएन । जिल्लामा कम आए पनि सबैसँग सम्पर्कमै रहेर काम गरेको छु । जिल्ला र आफ्नो निर्वाचन क्षेत्रमा कम आए होला’, भुसालले भने ।

आगामी मंसिरमा हुने चुनावमा आफू उम्मेदवार हुने सोचमा रहेको पनि भुसालले बताए ।  

भारतीय सीमा बेलहियादेखि बुटवल–१९ सम्म रूपन्देही क्षेत्र नम्बर–३ पर्छ । यो क्षेत्रमा बुटवलका वडा नम्बर १४ देखि १९, मायादेवी गाउँपालिकाका वडा नम्बर ७ र ८, ओमसतिया गाउँपालिकाको वडा नम्बर–२, सिद्धार्थनगर नगरपालिका, सियारी गाउँपालिकाका वडा नम्बर १, २, ३, ६ र ७, सुद्धोधन गाउँपालिका र तिलोत्तमा नगरपालिकाका वडा नम्बर–१३ र १४ पर्छन् । 

अघिल्लो चुनावमा भुसाल फराकिलो मतान्तरले विजयी भएका थिए । उनले ३२ हजार ८६६ मत पाउँदा उनका निकटतम प्रतिस्पर्धी राप्रपाका दीपक बोहोराले २७ हजार ४२२ मत ल्याएका  थिए । 

त्यसबेला एमाले–माओवादी तालमेल थियो भने बोहोरालाई कांग्रेसले सहयोग गरेको थियो । 

२०५२ सालको उप–निर्वाचनमा कांग्रेसका रामकृष्ण ताम्रकारलाई हराउँदै सांसद बनेका भुसाल २०७० को निर्वाचनमा क्षेत्र नम्बर–३ मा नै कांग्रेस नेता बालकृष्ण खाणसँग ८२ मतले पराजित भएका थिए । राप्रपाका बोहोरा पञ्चायतकालदेखि रूपन्देहीका सदाबहार उम्मेदवार हुन् ।

एमाले रूपन्देही सचिव यज्ञ गैरेले भुसाल उम्मेदवार बनेर आए उनलाई जिताउने गरी पार्टी परिचालित हुने बताए । ‘उम्मेदवार बनेर आए हामीले नै हो जिताउने । जितेर गएपछि उहाँ किन जिल्लामा आउनुभएन भन्ने प्रश्नको जवाफ हामीसँग छैन । पार्टीले जसलाई सूर्य ध्वजाबाहक उम्मेदवार बनाएर पठाउँछ उसैलाई जिताउने हाम्रो कर्तव्य हो’, सचिव गैरेले लोकान्तरसँग भने । 

रूपन्देहीमा राप्रपाले एमालेसँग रूपन्देही–१ मागेको छ । तर, एमाले त्यसका लागि सकारात्मक देखिएको छैन । रूपन्देही–१ मा एमाले सचिव छविलाल विश्वकर्मा उम्मेदवार सिफारिस भएका छन् । राप्रपाका बोहोरा अहिले रूपन्देही–१ बाट चुनाव लड्ने ‘मिसन’मा छन ।

एमालेले रूपन्देही–१ राप्रपालाई दिएर रूपन्देही–३ को उम्मेदवार भुसाल नै भए भने यहाँको चुनाव रोचक हुने देखिन्छ । 

गत स्थानीय तह निर्वाचनमा रूपन्देही–३ बाट राप्रपाले १३ हजार ३९७ मत ल्याएको थियो । त्यस्तै कांग्रेसले ३४ हजार १५३, एमालेले २९ हजार ४८, जसपाले ६ हजार १८३, माओवादीले २ हजार ८८१, लोसपाले २ हजार १७४ र नेकपा एकीकृत समाजवादीले ९७७ मत ल्याएका थिए ।

पाँच दलीय गठबन्धनको मत जोड्दा ४४ हजार १९४ हुन आउँछ । एमाले र राप्रपाको मतको योगफल ४२ हजार ४४५ छ । स्थानीय तहको वडाध्यक्षहरुको मत जोड्दा गठबन्धन अगाडि देखिएको छ ।

Maruti inside
Mega
NLIC
TATA Below
ncc inside
मंसिर १०, २०७९

प्रदेशसभा समानुपातिकतर्फ नेकपा (एमाले) छ प्रदेशमा पहिलो भएको छ । प्रदेशसभा सदस्य समानुपातिकमा निर्वाचन आयोगले आज साँझ ८ बजेसम्म अद्यावधिक गरेको मतपरिणामअनुसार प्रदेश नं १ मा (एमाले) ले तीन लाख ४६ हजार दुई स...

मंसिर १०, २०७९

नेपाली कांग्रेस नेता कृष्णप्रसाद सिटौलाले लोकतान्त्रिक अभ्यासमा हार जित स्वाभाविक भएको बताएका छन् । झापा क्षेत्र नं ३ अन्तर्गत बनियानीमा आज आयोजित कार्यक्रममा उनले मतदाताप्रति आभार प्रकट गर्दै तोकतन्त्रको अभ्यासमा हार...

मंसिर १०, २०७९

जसपा संघीय परिषदका अध्यक्ष अशोक राईलाई पछि पार्दै राष्ट्रिय स्वतन्त्र पार्टीकी गोमा तामाङले सुनसरी १ मा अग्रता लिइरहेकी छिन् । राईलाई नेकपा एमालेसमेतको समर्थन रहेको भएपनि जारी मतगणनामा पछि परेका हुन् ।  &...

मंसिर १०, २०७९

इलाम–२ मा मतगणना रोकिएको छ । इलाम नगरपालिकाका–१ को मतगणना गर्ने क्रममा ४० मत हराएको र ४४ मतमा मतदान अधिकृतको हस्ताक्षर नभएको भन्दै गठबन्धन दलले नाराबाजीसहित विरोध गरेपछि गणना रोकिएको छ । य...

मंसिर १०, २०७९

प्रतिनिधिसभा निर्वाचनमा सुनसरी-२ बाट नेकपा (एमाले) स्थायी कमिटी सदस्य भीम आचार्य विजयी  भएका छन् । प्रदेश नं १ का पूर्वमुख्यमन्त्रीसमेत रहेका आचार्य ३२ हजार आठ मतको फराकिलो अन्तरले विजयी भएका हुन् । उनका नि...

मंसिर १०, २०७९

राजनीतिमा कहिलेकाही नसोचेको पनि हुँदोरहेछ । कुनै बेला एउटै पार्टीमा रहेका सहकर्मी नै प्रकारान्तरणले एकआपसमा प्रतिस्पर्धा गर्नुपर्ने अवस्था आइलाग्छ ।  मधेस केन्द्रित राजनीति गर्दै आएका महिन्द्रराय यादव र रा...

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मंसिर ९, २०७९

मधेश आन्दोलनबाट उदाएका राजनीतिक दलहरूको अहिले भएको हार स्वाभाविक नै हो । केही दिनपछि मान्छेमा वितृष्णा आउनु स्वाभाविक नै हो । मधेश आन्दोलनको आक्रोश मत्थर भएको छ । सबै आ-आफ्नै कामधन्दामा लागेका छन् । नुन, तेल,...

जनताको बीचमा रहेर काम गरेकाले मैले चुनाव जित्ने निश्चित छ– परशुराम बस्नेत [कुराकानी]

जनताको बीचमा रहेर काम गरेकाले मैले चुनाव जित्ने निश्चित छ– परशुराम बस्नेत [कुराकानी]

मंसिर १, २०७९

परशुराम बस्नेत प्रदेशसभा सदस्य उम्मेदवार, मोरङ, क्षेत्र नम्बर ६ (ख) म निर्वाचनमा उम्मेदवारी दर्तापछि विभिन्न अभियानमा सहभागी हुनका लागि बिहान ५ बजे उठ्छु । व्यस्तता बढी हुने भएकाले प्रायःजसो राति १ बजे सुत्छु ...

रुपन्देहीका सपनालाई विपनामा बदल्ने नेता विष्णु पौडेल

रुपन्देहीका सपनालाई विपनामा बदल्ने नेता विष्णु पौडेल

कात्तिक ३०, २०७९

डी.आर. घिमिरे पुराना बेठीक नयाँ ठीक भन्ने भाष्य अहिले नेपाली राजनीतिमा खडा गरिएको छ । निर्वाचनका सन्दर्भमा यो कति ठीक हो भन्ने समीक्षा गर्न पाँच वर्ष कुर्नुपर्ने अवस्था छ । तथापि फोहोर बनेको राजनीतिलाई...

ad
x