नेकपा एमालेले राष्ट्रपति निर्वाचनका लागि फागुन १३ आफ्नो तर्फबाट उम्मेदवार सार्वजनिक गर्ने भएको छ ।

२५ फागुनमा राष्ट्रपति चयनका लागि हुने निर्वाचनको १३ फागुनमा मनोनयन दर्ताको समय तोकिएको छ । सोही दिन नै एमालेले आफ्नोतर्फबाट उम्मेदवार सार्वजनिक गर्ने अध्यक्ष केपी शर्मा ओलीले बताए। 

आइतबार बिहान विराटनगर विमानस्थलमा सञ्चारकर्मीसँग कुरा गर्दै ओलीले एमालेले उठाएको राष्ट्रपति उम्मेदवारलाई माओवादीले भोट नहाल्ने कुरा कल्पनाभन्दा बाहिरको भएको बताए। 

माओवादी केन्द्रले मत दिने विश्वास व्यक्त गरेका उनले राष्ट्रपतिको निर्वाचनले सत्ता समीकरण नबदलिने पनि दाबी गरे ।