नाबालिगलाई सामाजिक सञ्जालमा साथी बनाएर अश्लीलता जोडी हैरानी दिए  एक जनालाई प्रहरीले पक्राउ गरेको छ । ओखलढुङ्गाको सुनकोसी गाउँपालिका वडा नं ४ स्थायी वतन भई सोही स्थान बस्ने २७ वर्षीय मुगाधन श्रेष्ठलाई साइबर ब्युरोले पक्राउ गरेको हो । 

उनले आफ्नो फेसबुक प्रोफाइलमा नाम र तस्विर महिलाको राखी साथी बन्न अनुरोध पठाएपछि नाबालिकाले अनुरोध स्वीकार गरेर वार्तालाप गर्ने गरेकी थिइन्  ।

वार्तालापको क्रममा श्रेष्ठले नाबालिकाको प्रोफाइलबाट तस्विरहरू डाउनलोड गरी सोही तस्विरमा अन्य अश्लील तस्विरहरू जोड्दै मेसेन्जर मार्फत पठाउन थालेपछि अभिभावकले साइबर ब्युरोमा उजुरी दिएका थिए । 
अनुसन्धानका क्रममा श्रेष्ठको संलग्नता देखिएपछि  ओखलढुङ्गा प्रहरीको सहयोगमा उनलाई पक्राउ गरिएको ब्युरोले विज्ञप्तिमार्फत जनाएको छ ।  

उनीमाथि विद्युतीय कारोबार ऐन अन्तर्गतको कसूरमा  काठमाडौं जिल्ला अदालतबाट दिन ७  दिनको म्याद लिएर अनुसन्धान थालिएको ब्युरोले जनाएको छ ।