धनुषामा २ ट्रक आपसमा ठोक्किँदा भएको दुर्घटनामा ३ जनाको घटनास्थलमै मृत्यु भएको छ। 

शनिबार बिहान मिथिला नगरपालिका-३ हरिहरपुरमा दुर्घटना भएको हो। 

पूर्वबाट पश्चिमतर्फ आउँदै गरेको ना६ख ६५७८ नम्बरको ट्रक र विपरीत दिशाबाट जाँदै गरेको प्रदेश १- ०१–००१ख ९२९२ नम्बरको ट्रक आपसमा ठोक्किएको धनुषाका प्रहरी नायब उपरीक्षक वेदप्रसाद गौतमले जानकारी दिए।

उनका अनुसार सुनसरीका २८ वर्षीय चालक सागर चौधरी, सह चालक अर्जुन चौधरी र मोरङका ४४ वर्षीय लोकमान श्रेष्ठको घटनास्थलमै मृत्यु भएको हो ।

सर्लाहीका २० वर्षीय नारायण श्रेष्ठ घाइते भएका छन्। उनको उपचार ढल्केबर अस्पतालमा भइरहेको छ ।