०२ साउन २०८३, शनिबार
अर्थतन्त्र नाजुक बनेको समयमा ३२ दिनपछि मुलुकले नयाँ अर्थमन्त्री पाएको छ ।
प्रधानमन्त्री पुष्पकमल दाहाल ‘प्रचण्ड’को सिफारिशमा राष्ट्रपति रामचन्द्र पौडेलले नेपाली कांग्रेसका नेता डा. प्रकाशशरण महतलाई अर्थमन्त्री नियुक्त गरेका हुन् ।
नवनियुक्त अर्थमन्त्री महतले शुक्रवार अपराह्न सिंहदरबारमा पुगेर अर्थमन्त्रीको रूपमा कार्यभार सम्हालेका छन् ।
राष्ट्रपति कार्यालयमा शपथ लिएलगत्तै महत सिंहदरबार आएका थिए ।
नेकपा एमालेले सरकार छाडेपछि फागुन १५ गतेदेखि मन्त्रालय मन्त्रीविहीन रहेको थियो ।
प्रचण्ड सरकारमा यसअघि नेकपा एमालेका विष्णु पौडेल अर्थमन्त्री थिए । एमालेले सरकार छाडेपछि अर्थ प्रधानमन्त्री आफैंले राखेका थिए । अर्थमन्त्री नहुँदा बजेटको तयारी प्रभावित बनेको थियो ।
जेठ १५ गते नयाँ बजेट ल्याउनका लागि दुई महिना अगाडिबाटै तयारी गर्नुपर्नेमा मन्त्री नहुँदा कार्यतालिका प्रभावित हुन पुगेको थियो ।
