२२ असार २०८३, सोमबार
वैशाख १० गते हुने उपनिर्वाचनका लागि भोेलि हुने उम्मेदवार मनोनयनका लागि नेपाली कांग्रेसले महामन्त्रीलाई पठाउने निर्णय गरेको छ ।
महामन्त्री गगन थापा तनहुँ १ तथा विश्वप्रकाश शर्मा चितवन २ मा जाने भएका छन् ।
वैशाख १० गते हुने उपनिर्वाचनका लागि सोमवार उम्मेदवारी मनोनयनको कार्यक्रम छ ।
तनहुँमा गोविन्द भट्टराईको उम्मेदवारी मनोनयन कार्यक्रममा सहभागी हुन महामन्त्री थापा जाने तय भएको कांग्रेस केन्द्रीय कार्यालयले जनाएको छ ।
त्यस्तै चितवन २ मा जीतनारायण श्रेष्ठको उम्मेदवारी मनोनयनका लागि विश्वप्रकाश जाने भएका हुन् ।
बारा २ मा भने कांग्रेसले जसपाका उपेन्द्र यादवलाई सघाउने औपचारिक निर्णय गरिसकेको छ ।
