प्रधानमन्त्री पुष्पकमल दाहाल प्रचण्डले एमाले सचिवको घरसँग आफ्नो ४० वर्षदेखिको सम्बन्ध रहेको बताएका छन् ।

सुदूरपश्चिम विश्वविद्यालयको दीक्षान्त समारोहमा भाग लिन धनगढी पुगेका प्रचण्डले पूर्व माओवादी नेतासमेत रहेका लेखराज भटट्को घरमा पुगेर ४० वर्षदेखिको सम्बन्ध रहेको बताएका हुन् ।

याे घरमा आफ्नो बस्ने काेठा नै भएकाे पनि उनले बताए ।   

‘यो घरसँग मेरो ४० वर्षदेखि सम्बन्ध छ । यहाँ माथि एउटा म बस्ने कोठा छ,जहाँ मैले खाने बस्ने गर्थेँ । त्यसैले यो घर मेरो पनि हो भन्ने लागेर यहाँ आएको हो’ प्रचण्डले भने, बाँकी कुरा, लेखराजजी राजनीतिक व्यक्तित्व भएकोले समसामयिक राजनीतिक घटनाक्रमबारे छलफल हुने नै भै हाल्यो । अरु त्यस्तो ठूलो एजेण्डामा केही छलफल भएन ।’

नेकपा विभाजन हुँदा भट्ट माओवादी नफर्कि एमालेमै बसेका थिए । 

अहिले उनी एमाले सुदूरपश्चिम इन्चार्ज छन् । 

माओवादीमा हुँदा भट्ट प्रचण्डका नजिकका र विश्वासिला नेता थिए ।