नेपालमा जारी काभा महिला भलिबल च्यालेन्ज कपमा कीर्गिस्तान र श्रीलंका पाचौं स्थानका लागि प्रतिस्पर्धा गर्ने भएका छन् ।

त्रिपुरेश्वरस्थित राष्ट्रिय खेलकुद परिषद्को कभर्डहलमा सम्पन्न खेलमा कीर्गिस्तानले माल्दिभ्ससँग जीत निकाल्दा अर्को खेलमा श्रीलंकाले बंगलादेशलाई पराजित गरेको हो ।

दुवै टोलीको जीतसँगै विजेता २ टोलीको भिडन्त पाँचांै स्थानका लागि तय भएको छ । प्लेअफ अन्तर्गत बिहीवार भएको पहिलो खेलमा कीर्गिस्तानले माल्दिभ्समाथि ३–० को सहज जीत दर्ता गरेको हो ।

कीर्गिस्तानले माल्दिभ्सलाई २५–२०, २५–२० र २५–१५ ले हराएको हो । पाँचौं स्थानका लागि शनिवार खेल हुनेछ ।

प्रतियोगिता अन्तर्गत बिहीवार नै भएको अर्को खेलमा श्रीलंकाले बंगलादेशलाई ३–० को सेटमा जीत निकाल्दै कीर्गिस्तानसँगको भेट पक्का गरेको हो । रोमाञ्चक खेलमा श्रीलंकाले बंगलादेशमाथि २५–१६, २५–१५ र २५–७ को सहज जीत निकालेको हो । यससँगै छैठौं र सातांै स्थानका लागि प्रतिस्पर्धा गर्ने टोलीको पनि टुंगो लागेको छ । यस स्थानका लागि माल्दिभ्स र बंगलादेशबीच प्रतिस्पर्धा हुनेछ ।

प्रतियोगिता अन्तर्गत शुक्रवार नै उज्वेकिस्तान र भारतबीच पहिलो सेमिफाइनल खेल दिउँसो साढे २ बजे हुनेछ । नेपाल र काजकिस्तानबीच दोस्रो सेमिफाइनल खेल शुक्रवार साँझ ५ बजे हुनेछ । दुवै सेमिफाइनल विजेताबीच आइतवार फाइनल खेल हुनेछ । नेपाल घरेलु कोर्टमा च्याम्पियनको ह्याट्रिक गर्ने लक्ष्यमा रहेको छ ।