सरकारले नागरिकतासम्बन्धी विधेयक प्रमाणीकरणका लागि राष्ट्रपति रामचन्द्र पौडेलसँग आग्रह गरेको छ ।  ​

मन्त्रिपरिषद्को शुक्रवार बसेको बैठकले विधेयक प्रमाणीकरणका लागि राष्ट्रपति पौडेलसँग आग्रह गर्ने निर्णय गरेको उद्योग वाणिज्य तथा आपूर्ति मन्त्री रमेश रिजालले जानकारी दिए । 

यस अघि संसद्‍को दुवै सदनबाट प्रमाणीकरणका लागि विधेयक शीतल निवास पुगे पनि तत्कालीन राष्ट्रपति विद्यादेवी भण्डारीले प्रमाणीकरण गरेकी थिइनन् ।

यसपटक नयाँ राष्ट्रपति चुनिएपछि सरकारले फेरि विधेयक प्रमाणीकरणका लागि राष्ट्रपतिसँग आग्रह गरेको हो । 

राष्ट्रपतिले पनि विधेयकबारे यस अघि कानूनविदसँग परामर्श गरेका थिए ।