पश्चिम रुकुमको चौरजहारी नगरपालिका–३ रानीघाटमा मलामी गएका व्यक्ति भेरी नदीमा बेपत्ता भएपछि खोजीका लागि सशस्त्र प्रहरीको गोताखोर परिचालन भएको छ । 

चौरजहारी–९ कोटजहारी बस्ने करिब ६१ वर्षीय नारायण खड्का मलामी गएको समयमा वैशाख १२ गते दिउँसो सो नदीमा नुहाउने क्रममा डुबेर बेपत्ता भएका थिए ।

सशस्त्र प्रहरी बल नेपाल नं ६ महेश्वरी बाहिनी मुख्यालय सुर्खेतबाट ६ जनाको गोताखोर टोली बिहीबार उनकोे खोजीकार्यको लागि उक्त स्थानमा पुगेको थियो ।

दिउँसो ३ बजेदेखि खोजी गर्दा उनको उनी नभेटिएपछि सो टोली आश्रित गुल्म जाजरकोटमा फर्किएको थियो । शुक्रबार बिहानैदेखि उनको खोजीमा टोली परिचालन गरिएको सशस्त्रका प्रवक्ता डीएसपी शैलेन्द्र थापाले बताए ।