×

प्रधानमन्त्रीले मञ्चबाटै फोन गरेको प्रसंग

सुरुङमार्ग प्रभावितको पीडाः दिनदिनै कृत्रिम भूकम्प आउँछ, घर नै थङथिलो भैसक्यो [भिडियो]

काठमाडाैं | भदौ १९, २०८०

भदौ १६ गते शनिवार काठमाडौंको चन्द्रागिरि नगरपालिका वडा नम्बर २ मा आयोजित पार्टी सभालाई सम्बोधन गरिरहेको समयमा प्रधानमन्त्री पुष्पकमल दाहाल ‘प्रचण्ड’ले फोनमा कसैलाई निर्देशन दिँदै गरेको भिडियो सामाजिक सञ्जालमा भाइरल बन्यो ।

नेकपा (माओवादी केन्द्र)का उप-महासचिव जनार्दन शर्माको फोनबाट प्रचण्डले नागढुङगा– नौबिसे सुरुङमार्ग आयोजनाका प्रमुख नविनमान श्रेष्ठसँग कुराकानी गरेका थिए ।


Advertisment

सुरुङमार्ग निर्माणका क्रममा उत्पन्न कम्पनले घर चर्किएको र बस्न योग्य समेत नरहेको स्थानीयको गुनासो सुनेपछि प्रचण्डले श्रेष्ठलाई पीडितका माग सम्बोधन गर्न निर्देशन दिए ।


Advertisment

घरमुनि डोजरले खन्दा तथा चट्टान निकाल्न बम विस्फोट गराउँदा कृत्रिम भूकम्प महसुस हुने गरेको र त्यसले घर चर्किएको स्थानीयको गुनासो छ ।सोहीबारे प्रधानमन्त्रीले ध्यानाकर्षण गराएपछि आयोजना प्रमुख श्रेष्ठले प्रभावित क्षेत्रमा चर्केका घरको तथ्याङ्क पुनः संकलन गर्ने र क्षतिपूर्ति दिने बताएका थिए ।

****

अन्दाजी ७० वर्षीय हिराकाजी महर्जनको घर नागढुंगा सुरुङमार्गको काठमाडौंतर्फ प्रवेशद्वारको ठ्याक्कैमाथि अर्थात् चन्द्रागिरि नगरपालिका– ३ टोटीपाखामा छ ।

सुरुङको मुखबाट यो घर मुस्किलले ५० मिटरको दूरीमा होला । १२ आना जग्गा रहेका हिराकाजीका ३ भाइ छोरा हुन् । सम्पूर्ण परिवार यही घरमा मिलिजुली बस्दै अएका छन् ।

null

माइला छोरा ईश्वर महर्जन राजनीतिक रूपमा पनि सक्रिय थिए  । 

नेपाली कांग्रेसको क्रियाशील सदस्य तथा चन्द्रागिरि नगरपालिका वडा नम्बर ३ स्थित तरुण दल वडा समिति उपाध्यक्ष समेत रहेका ईश्वरको २७ वर्षको उमेर २०७७ मंसिर ६ गते ‘हर्टएट्याक’का कारण मृत्यु भयो । सुरुङमार्ग निर्माण शुरू भएपछि घरकै चिन्ताले ईश्वरलाई ‘हर्टएट्याक’ भएको परिवारका सदस्यहरूको दाबी छ ।

null

‘माइलो बाबु हर्टएट्याक भएर बित्नुभयो, अहिले भन्दा पत्याउँदैनन्, तर यही सुरुङको कारण हो,’ ईश्वरकी भाउजू कमला महर्जनले लोकान्तरसँग भनिन्, ‘डोजरले खन्न थालेपछि यहीँसम्म पहिरो गयो । यहाँ बस्न सुरक्षित भएन । हामीलाई मुआब्जा चाहिन्छ, सुरक्षित ठाउँमा जान्छौं भनेर उहाँले स्ट्यान्ड लिनुभएको थियो । काम रोकभन्दा मानेनन् । त्यही तनावले उहाँलाई हर्टएट्याक भयो ।’

कमला र उनका ससुरा

कुन दिन घरले थिच्ने हो भन्ने चिन्ताले वडादेखि सिंहदरबारसम्म धाउँदा पनि न्याय नपाएको उनको गुनासो छ । विकास हुनु राम्रो भएपनि आफूहरूको बिचल्ली पार्न नपाइने कमलाले बताइन् ।

null

‘विकास भयो, राम्रै कुरा हो । रमाइलो पनि देख्न पाइया छ । नेपालमै पहिलो पटक हो यसरी सुरुङमार्ग बनेको, खुशी नै छौं । खुशी छौं भन्दैमा सुरुङभित्र बस्न जाने कुरा त भएन,’ कमलाले लोकान्तरसँग भनिन्, ‘२०७२ सालको जत्रो भूकम्प आयो भन्ने यो घरले थाम्छ भन्ने के ग्यारेन्टी ? पिल्लरले थाम्ने हैन यो घरलाई ? पिल्लार हल्या छैन भनेर कसले भन्छ ? दिनकै ड्यामड्याम बम पड्क्या छ । घर चर्किएको छ ।’

ससुराको धेरैजना दाजुभाइ भएकाले यहीँमात्र जग्गा भागमा आएको भन्दै उनले सुरक्षित एवं ढुक्कसाथ बस्न पाउने व्यवस्था गर्न सरकारसँग माग गरिन् ।

सुरुङको काठमाडौंतर्फको प्रवेशद्वारमाथिका अन्य स्थानीयको गुनासो पनि कमलाको जस्तै छ । पालिकादेखि प्रशासनसम्म धाउँदा र पटक–पटक कामै रोक्दा पनि आफूहरूको माग सम्बोधन नभएको उनीहरू बताउँछन् ।

प्रधानमन्त्रीले सार्वजनिक रूपमै यसरी निर्देशन दिएपछि स्थानीयमा केही आशा त पलाएको छ, तर यसअघि पनि पटक–पटक आश्वासन मात्र पाएकाले ढुक्क हुन सकेका छैनन् ।

सुरुङमार्ग प्रभावित क्षेत्रका स्थानीयको पीडा र गुनासो, हेर्नुहोस् भिडियोमाः

थप तस्वीर​:

nullnullnullnull

माघ ५, २०८०

मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...

फागुन २६, २०८०

पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...

जेठ १९, २०८१

ढोका खोलेर भित्र पस्नासाथ प्रतीक्षार्थ ग्राहकको बाक्लो भीड थियो । थकाली खानाको स्वाद लिन टेबलमा खाना कुरेर बसिरहेका थिए सबै । वेटरलाई कामको चटारो थियो । केही टेबल पार गरेर रेस्टुरेन्टपछाडि पुगेपछि वेटर किचनक...

मंसिर १४, २०८०

प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...

माघ १३, २०८०

रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...

कात्तिक २५, २०८०

बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...

समाज सुधारका १२ सूत्र

समाज सुधारका १२ सूत्र

असार ११, २०८१

समाजमा बसेपछि सबैसँग सद्भाव, मित्रता, सहनशीलता, क्षमायाचना, त्याग, शालीनता, भद्रता आदि कुराको आवश्यकता पर्दछ । हरेक मानिस र उसको पारिवारिक अवस्था फरक–फरक हुन्छ। सानातिना कुरामा विवाद गर्ने, निहुँ खोज्ने...

किन बनेन हाम्रो देश ?

किन बनेन हाम्रो देश ?

असार १०, २०८१

'नेपाल अर्थात् यो हाम्रो देश बनेन, अहँ अब बन्दैन' भन्नेहरू देशभित्र मात्र होइन, विदेशमा पनि पाइला–पाइलामा भेटिन्छन् । यसो भन्नेहरूमा देश र यहाँका जनताप्रति चिन्ता र चासो स्वाभाविक रूपमा भेटिन्छ । ...

नेपाली राजनीतिका मूल प्रवृत्ति : सामन्ती सोच, छद्मभेषी चरित्रदेखि आदर्शको विस्थापनसम्म

नेपाली राजनीतिका मूल प्रवृत्ति : सामन्ती सोच, छद्मभेषी चरित्रदेखि आदर्शको विस्थापनसम्म

असार ९, २०८१

'राजनीतिज्ञको काम आफ्नो जीवनलाई सहज र सुखद् बनाउनु होइन, आफू जन्मेर हुर्केको र अवसर पाएको समाजका लागि राम्रो काम गर्नु र उन्नत बनाउनु हो'- अमेरिकी पूर्वराष्ट्रपति अब्राहम लिङ्कन । नेपालमा यस्तो सोच्ने ...

x