×

NIC ASIA

सफलताको कथा

छोराको आसमा ६ छोरी जन्माएका देवराज र नन्दाको सुखद् संयोगः सातै सन्तान सरकारी जागिरे

कान्छी छोरी खुसीले निकालिन् एकै वर्ष लोकसेवाका सात परीक्षामा नाम

बुटवल | माघ १३, २०८०

Prabhu Bank
NTC
Premier Steels
Marvel

रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पनि त्यतिबेलाको समाजका कारण उनीहरू छोरा पाउन बाध्य भए । पाँच छोरीपछि छोरा आकाश जन्मिए । त्यसपछि अर्की छोरी जन्मिइन् खुसी । देवराज र नन्दाका सबै सन्तान विभिन्न पदमा रहेर सरकारी सेवामा काम गरिरहेका छन् । छोरीहरू झनै एकसे एक निस्किएका छन् । यसमा उनीहरूले कति गर्व गर्ने साँधी नै छैन ।


Advertisment
RMC TANSEN
IME BANK INNEWS
shivam ISLAND

बाआमा ।


Advertisment
Rupse Holidays
Nabil box

रोल्पा लुम्बिनी प्रदेशको विकट हो । त्यसमा पनि सशस्त्र द्घन्द्घबाट सबैभन्दा बढी प्रभावित गाउँमा पर्छ पाथावाङ । त्यहाँ मगर समुदाय पनि अधिकांश जनयुद्धमा होमिएका थिए । तर अहिले यहाँको परिचय नै फेरिएको छ । यहाँको एक मगर परिवारका सदस्य पालैपालो सरकारी जागिरमा प्रवेश गरेपछि यहाँ अहिले जनयुद्धको भन्दा चर्चा यसको हुन थालेको हो ।

Vianet communication

कुनैबेला देवराज र उनकी श्रीमती नन्दाले दिनरात गाउँमै मेहनत गर्दा पनि परिवारमा दुई छाक टार्नसमेत मुस्किल थियो । उनीहरूले आफ्ना सन्तानलाई दुःख सहेरै भए पनि पढाउने अठोट गरे । यसै मेसोमा देवराज सन्तानलाई राम्रो शिक्षा दिलाउने उद्देश्यले पैसा कमाउन भनेर परदेशसम्म गए । त्यो दुःखले सार्थकता पाएपछि उनीहरू अहिले दंग छन् ।  अझै कान्छी छोरी खुसीले एकै वर्ष सात ठाउँमा लोकसेवा उत्तीर्ण गरेर देशभर प्रभाव छाडेपछि त देवराज र नन्दाको खुसीको सीमा छैन । 

नीमा बुढामगर ।

स्थायी शिक्षक जेठी छोरी नीमा रोल्पाकै गंगादेव गाउँपालिकामा रशेको गंगा माध्यमिक विद्यालयमा शिक्षण गर्छिन् । माइली छोरी दुर्गा पनि रोल्पाकै दिव्यज्योति माविमा पढाउँछिन् । साइली छोरी चन्द्रा जनता प्रावि, लिवाङकी शिक्षक हुन् ।

दुर्गा बुढामगर ।

काइली छोरी दीपा भेटनरी अस्पताल तथा पशु सेवा विज्ञ केन्द्र रोल्पामा कार्यरत छिन् । त्यस्तैगरी राइली छोरी प्रगति राइजोविनय तथा घाँसेबाली बिउबिजन प्रयोगशाला जनकपुरधाम, धनुषामा कार्यरत छिन् । त्यस्तै छोरा आकाश हल्दीबारी गाउँपालिका, झापामा सब–इन्जिनियरको रूपमा कार्यरत छन् । कान्छी छोरी खुसी पश्चिम नवलपरासीको बर्दघाट नगरपालिका मत्स्य विकास केन्द्रमा कार्यरत छिन् । 

जागिरे छोराछोरीले देवराजको अनुहारमा खुसी थपिदिएका छन् । आफू ५ कक्षाभन्दा माथि पढ्न नपाएकाले देवराजले सबै छोराछोरीले राम्रो पढेर जागिर खाउन् भन्ने सोचेका थिए । नीमादुर्गापछि एकपछि अर्को गर्दै सबैले सरकारी जागिर खान शुरू गरे । धेरै सन्तान भएकाले देवराजले सबैलाई राम्रो विद्यालय र बोर्डिङ स्कूलमा पढाउन सकेनन् । तथापि, गाउँकै स्कुलमा पढेर पनि छोराछोरी सबै अब्बल ठहरिए । ‘दुईवटी दिदी राहत शिक्षक हुनुहुन्छ,’ आकाश भन्छन्, ‘उहाँहरू पनि सबै सरकारी जागिरेमै गनिनु हुन्छ । दुवै दिदीले आयोगका पहिलो चरणका परीक्षा पास गर्नुभएको छ । उहाँहरू पनि अबको केही समयमा पूर्ण स्थायी बन्नुहुन्छ भन्ने आस छ ।’

आकाश बुढामगर ।

एक जनाबाहेक आफ्ना सबै भिनाजु सरकारी जागिरे रहेको आकाशले बताए । ‘हामी मात्र होइन एक जनाबाहेक हाम्रा सबै भिनाजु सरकारी जागिर नै हुनुहुन्छ । एक जना भने व्यवसायी हो,’ उनले थपे, उनका अनुसार नीमाका श्रीमान् कमलराज पुन सरकारी जागिरे हुन् । चन्द्राका श्रीमान् शिक्षक र दीपाका श्रीमान् इन्जिनियर छन् । प्रगतिका श्रीमान् पनि सरकारी जागिरे नै हुन् । कान्छी बहिनी खुसीको भने बिहे गरेको छैन ।

यो सबै अहुनुको पछाडि आफ्ना बुवाआमाको हात रहेको उनीहरू बताउँछन् । ‘हामी सबैलाई यो अवस्थामा पुर्याउनुमा प्रमुख भूमिका हाम्रा आमाबुवाको रहेको छ,’ कान्छी छोरी खुसी भन्छिन्, ‘उहाँहरूले हाम्रा लागि यति नगरिएको भए सायद पढ्ने एउटा सपना मात्र हुन्थ्यो होला । बुवाले परदेशीको भूमिमा आफ्नो पसिना बगाउनुभयो । हाम्रा लागि दुःख कति गर्नुभयो त्यो भनिसाध्य छैन । हामी सबै छोराछोरी पनि राम्रो मार्गमा हिँड्यौँ, जसका कारण आज यो सम्भव भयो ।’

चन्द्र बुढामगर । 

अग्रज र दिदीहरूले पढेर सरकारी जागिर खानुपर्छ भन्ने सुझाव दिएपछि आफूले पनि सरकारी सेवामा प्रवेश गरेको इन्जिनियर आकाश बताउँछन् । बुवाआमाले खेतीपाती र घाँस दाउराका लागि गरेकोजस्तो दुःख गर्न नपर्ने र इज्जत पनि हुने भएर सरकारी जागिरे सबैलाई आकर्षित गर्यो,’ आकाश भन्छन्, ‘यद्यपि, हामीले यो सफलता गाउँकै सामान्य स्कूलमा पढेर बिहान बेलुका घाँसपात र खेतीपातीमा बुवाआमालाई सहयोग गरेर हासिल गरेका हौँ ।’

गाउँकै योगदानलाई कायम राख्न र देशमै बसेर जनताको सेवा गर्ने यो अवसरमा पछिल्लो पुस्तालाई जोड्न आवश्यक रहेको इन्जिनियर आकाशको भनाइ छ । २३ वर्षका आकाश अहिले झापाको बिर्तामोर्डस्थित पाथिभरा इन्जिनियरिङ कलेजमा बिहान पढ्छन् भने दिउँसो कार्यालय जान्छन् ।

दीपा बुढामगर ।

आफूहरू सबैलाई सत्मार्गमा हिड्न सिकाउने भिनाजु कमलराज पुन भएको आकाश बताउँछन् । ‘कान्छी बहिनी अलि ट्यालेन्ट हो । अरु हामी सबै औसत हौँ । मैले लकडाउनका बेला घरमै बसेर ‘सेल्फ स्टडी’ गरेर नाम निकालेको हुँ,’ उनले भने, ‘प्लस टू’ सकेपछि सबैले संघर्ष गरेर सफलता हासिल गरेका हौँ । कोचिङ वा टयुसन कक्षा लिएको कसैले पनि होइन ।’

मुलुक संघीयतामा गएर प्रदेश तथा स्थानीय सरकार बनिसकेपछि सरकारी सेवामा प्रशस्त अवसर खुलिरहेका छन् । सरकारी जागिरप्रतिको मोह र त्यसमा भविष्य देख्ने खुसी र आकाशको परिवारजस्ता हजारौं युवा यतिबेला लोकसेवा परीक्षाको तयारी गरिरहेका छन् । काठमाडौं र मोफसलमा जिल्लामा खुलेका लोकसेवा तयारी कक्षा चलाइरहेका इन्स्टिच्युटहरूमा विद्यार्थीको चाप हेर्दा सरकारी जागिरप्रतिको मोह बढेर गएको पाइन्छ ।

खुसी बुढामगर ।

सरकारी सेवामा युवाको आकर्षण बढ्नुको प्रमुख कारण सुरक्षित जीवनयापन र निष्पक्ष परीक्षा प्रणाली रहेको जेठी छोरी नीमा बताउँछिन् । ‘द्वन्द्वकालमा तत्कालीन माओवादीका कार्यकर्ताले अभियानमा हिँड्नुपर्छ भनेर हामीलाई पनि बाध्य गराउँथे,’ उनी भन्छिन्, ‘लुकीलुकी पढियो । धेरै सन्तान भएपछि आमाले हामीलाई अब तिमीहरू स्कुल छाडेर काम गर भन्दा पनि बाबाले पढाइ छोडाउन दिनुभएन । म पछिका सबै भाइबहिनीले पनि सही लाइन समाते । एक्लो भाइ पनि बिग्रिन्छ कि भन्ने हामी छ बैनीको पिरलो हुन्थ्यो । भाइ पनि सही बाटो समात्यो हामी सबै खुसी छौँ ।’

पछिल्लो समय लोकसेवामा नयाँ पुस्ता उदाउन थालेका छन् । उमेरले दुई दशक वरपर नै राष्ट्रसेवक कर्मचारी बन्ने युवा पुस्ताले लोकसेवा आयोग उत्तीर्ण गरेपछि त्यसको चर्चा परिचर्चा देशभर हुन थालेको छ । यस्तै सरकारी जागिरमा तलब र सेवासुविधा प्रत्येक वर्ष बढ्दै जान्छ । तलब नबढे पनि अन्य सुविधा हुन्छन् । यसले गर्दा पनि सरकारी जागिरमा युवाको आकर्षण बढेको नीमा बताउँछिन् । 

प्रगति बुढामगर ।

‘सेवा, सुविधा, प्रतिष्ठा र सामान्य जीवनयापन गर्न सहज हुने बुझेर ममा शिक्षक सेवा पढ्ने रुचि बढेको हो,’ उनी भन्छिन्, ‘तलब र सेवा–सुविधा प्रत्येक वर्ष बढ्दै जान्छ । तलब नबढे पनि अन्य अन्य सुविधा पनि हुन्छन् । आवश्यकताअनुसार सरकारले विशेष निर्णय र ऐनमार्फत् भए पनि सेवा–सुविधा बढाइरहन्छ ।’ 

देवराजकी कान्छी छोरी खुसीले १० महिनामा ७ वटा लोकसेवाका परीक्षा उत्तीर्ण गरेकी हुन् । उनले यसै साल (२०८०)मा लुम्बिनी, कर्णाली, सुदूरपश्चिम र कोशी प्रदेश तथा संघीय गरी सात ठाउँमा नाम निकालेकी हुन् । 

प्लस टू उत्तीर्ण गरेपछि युवा–युवती विदेश जाने लहर चलेकोप्रति सुखी खासै खुसी छैनन् । मेहनत गरे देशमै धेरै कुरा सम्भव रहेको उनको भनाइ छ । ‘सरकारी कार्यालयमा जाँदा ढिलासुस्ती र चित्तबुझ्दो काम हुँदैन भन्ने जनतामा परेको प्रभावलाई हामीजस्ता नयाँ र युवा कर्मचारीले परिवर्तन ल्याउन जरुरी छ । म परिवर्तनका लागि सधैँ लाग्ने प्रतिबद्धता जनाउन चाहन्छु,’ उनी थप्छिन् ।

जे होस् अहिले सुखी र उनका दिदीदाजुले संघर्षबाट सफलता प्राप्त हुन्छ र गाउँघरमै बसेर पनि अब्बल हुन सकिन्छ भन्ने सन्देश दिएका छन् । यसले गाउँका विद्यालय र समुदायस्तरमा पनि नयाँ बहस सिर्जना गराएको छ । खुसी भने अरूलाई देखाउन नभई आफ्नो सपना पूरा गर्न मेहनत गरेको र सफलता पनि मिलेको बताउँछिन् ।

hAMROPATRO BELOW NEWS
TATA Below
चैत १५, २०८०

२०५८ साल वसन्त ऋतुको समय । घमाइलो त्यो समयमा एउटा फूल काँडाको बाटो डोरिँदै थियो । बहकाउ र त्रासमा १३ वर्षको बालक सत्तालाई बन्दुक नाल तेर्स्याउन कस्सिएको थियो । लहडमा हिँडेको बाटोमा न ऊ फुल्न पायो, न ओइलियो ।...

जेठ १२, २०८१

हिन्दी चलचित्र ‘थ्री इडियट्स’मा एक पात्र छन् फरहान । फोटोग्राफीमा रुचि भएका उनी परिवारको इच्छाका लागि इन्जिनियर पढिरहेका हुन्छन् । उही पात्रले पछि आफनो रुचि रोजेर पेशागत रूपमा प्रगति गर्छन् । उनी चर्चि...

कात्तिक २५, २०८०

बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...

जेठ १२, २०८१

सार्वजनिक यात्रुबाहक सवारीसाधन अधिकांश पुरुष चालकले कुदाउने गर्छन् । काठमाडौं–पोखराजस्ता केही प्रमुख शहरमा फाटफूट ‘पब्लिक भेइकल’मा महिला चालक देखिए पनि लामो दूरीमा चल्ने गाडी महिलाले चलाए...

बैशाख २९, २०८१

भनिन्छ– मरिसकेपछि पुगिने स्वर्ग कस्तो हुन्छ थाह छैन तर जिउँदै स्वर्ग हेर्न मन लागे रारा जानु । कर्णाली प्रदेशको मुगु जिल्लामा अवस्थित रारा ताललाई धर्तीको भूस्वर्गका रुपमा चित्रण गरिन्छ । राराको सुन्दरता, हावाप...

कात्तिक १९, २०८०

समय : आइतवार बिहान ७ बजे  स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्‍याएको ठाउँ)  ‘मेरी आमालाई किन यस्तो भयो ? मलाई पनि बाँच्न मन छैन,...

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

जेठ ३२, २०८१

कानूनअनुसार असार १ प्रदेश सरकारले आ–आफ्नो सभामा बजेट प्रस्तुत गर्ने दिन हो । नेपालको संविधान र कानूनले बजेट प्रस्तुत गर्ने समय तोकिदिएको छ । यसरी बजेट प्रस्तुत गर्ने दिन नै तोक्नुका २ कारण छन् । पहिलो, तह...

कहाँ हरायो कांग्रेस महासमितिको निर्णय ?

कहाँ हरायो कांग्रेस महासमितिको निर्णय ?

जेठ ३१, २०८१

अढाइ वर्षअघि नेपाली कांग्रेसको १४औं महाधिवेशन नेतृत्व मात्र चयन गरी ६ महिनाभित्र नीति महाधिवेशन आयोजना गर्ने र आवश्यक निर्णय लिने निष्कर्षमा पुगेको थियो । तत्पश्चात् निकै लामो समय पार्टीभित्र र बाहिर नीति महाधिवे...

बाबुरामका एक्ला बृहस्पति ‘फणीन्द्र’– २१ वर्षअघिको त्यो क्षण र गण्डकीको ‘फ्लोर क्रस’

बाबुरामका एक्ला बृहस्पति ‘फणीन्द्र’– २१ वर्षअघिको त्यो क्षण र गण्डकीको ‘फ्लोर क्रस’

जेठ २९, २०८१

गण्डकी प्रदेशका मुख्यमन्त्री सुरेन्द्रराज पाण्डेले सोमबार विश्वासको मत प्राप्त गरेका छन् । नेकपा (माओवादी केन्द्र)को चिह्न ‘गोलाकारभित्र हँसिया हथौडा’बाट चुनाव जितेका फणीन्द्र देवकोटाले 'फ्लोर क्रस'...

x