विराटनगर महानगरपालिकाको नगरसभाको तेह्रौँ अधिवेशनले चालु आर्थिक वर्षको बजेट संशोधन गरी सम्पन्न भएको छ । आज यहाँ आयोजित अधिवेशनमा सभाले रु तीन अर्ब २८ करोड पाँच लाख रहेको बजेटलाई संशोधन गरी रु तीन अर्ब ३४ करोड ६७ लाख १२ हजार पु¥याएको छ । 

सो अवसरमा महानगर प्रमुख नागेश कोइरालाले महानगरवासीले गर्व गर्न लायकको विराटनगर बनाउन इमान्दारितापूर्वक कार्य गरिरहेको बताए । 
    
रानीपोखरी, मण्डापोखरी, प्रधानमन्त्री पार्क, बालउद्यान, सन्ध्याकालीन आरती स्थल, महानगरको प्रशासनिक भवन, बहुप्राविधिक विद्यालय, विराटनगर–५ र ६ स्थित विएफएम अगाडिको सडक, विराटनगर–१३ स्थित आँखा अस्पताल अगाडिको सडक, विराटनगर–८ स्थित विश्वकर्मा चोकदेखि रेल्वे हुँदै सिंघियासम्मको सडक निर्माणलगायत रु एक अर्ब १५ करोडका विभिन्न योजना कार्यान्वयनको चरणमा रहेको उनले जानकारी दिए ।