×

NIC ASIA

सुन तस्करी मुद्दा कमजोर पार्न अर्थमन्त्री सक्रिय

१३८ किलो सुन तस्करीमा वर्षमानको 'कनेक्सन'– हिरासतमा रहेका मुख्य नाइकेसँग ११ पटक फोन !

काठमाडाैं | फागुन २९, २०८०

Prabhu Bank
NTC
Premier Steels

एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् ।

Muktinath Bank

लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट पक्राउ गरिएको थियो ।


Advertisment
RMC TANSEN
IME BANK INNEWS
shivam ISLAND

यस प्रकरणमा नवनियुक्त अर्थमन्त्री वर्षमान पुनको पनि सहभागिता देखिने आधार लोकान्तर डट्कमले फेला पारेको छ ।


Advertisment
Nabil box
Kumari

विशेष स्रोतबाट प्राप्त सीडीआर (कल डिटेल रेकर्ड) मा सन् २०२३ जनवरी १ देखि डिसेम्बर ३१ सम्म गुरुङ र पुनबीच ११ पटक फोनमा कुराकानी भएको देखिन्छ ।

Vianet communication

पुनको मोबाइल नम्बर ९८५११०२**२ बाट गुरुङको मोबाइल नम्बर ९८६९०००**४ मा ४ पटक फोन गएको छ भने गुरुङले ७ पटक पुनलाई फोन गरेका छन् ।

यसबारे अर्थमन्त्री पुनको प्रतिक्रिया लिन खोज्दा उनी सम्पर्कमा आउन चाहेनन् ।

२०७९ मंसिरपछि अहिलेसम्म भएको १ सय ३८ किलो सुन तस्करीका मुख्य योजनाकार गुरुङ पूर्व उपराष्ट्रपति नन्दकिशोर पुनका परराष्ट्र सल्लाहकार थिए । उनी प्लाटिनम कलेजका सञ्चालक समेत हुन् ।

१० वर्ष चलेको माओवादी जनयुद्धका कमान्डर समेत रहेका नन्दकिशोरका परिवारका अधिकांश सदस्य र उनको सचिवालयमा काम गर्ने कतिपय सदस्य सुन तस्करीमा मुछिएका छन् ।

यसकारण अर्थमन्त्री बन्न मरिहत्ते !

अर्थमन्त्री पुनकै मातहतमा भन्सार विभाग छ र विभागकै हिरासतमा सुन प्रकरणका नाइके गुरुङ छन् ।

गुरुङसँग पटक-पटक फोनमा कुरा गरेका पुन सुन प्रकरणको मुद्दा कमजोर पार्ने योजनासहित अर्थ मन्त्रालयमा छिरेको चर्चा हुन थालेको छ ।

नाम उल्लेख नगर्ने शर्तमा मन्त्रालयका एक उपसचिवले भने, 'सुन प्रकरणमा जोडिएको व्यक्ति अर्थमन्त्री हुनु र अर्थ मातहतको भन्सार विभागले यसको छानबिन गर्नु भनेको दूधको साक्षी बिरालोजस्तै हो । कर्मचारीलाई भ्रष्ट भनेर आरोप लगाउने राजनीतिज्ञहरू नै खुलेआम सुन तस्करको संरक्षणमा आउँछन् भने त्यो भन्दा विडम्बना के हुन्छ ?'

गुरुङलाई पक्राउ गर्न भन्सार विभागले गत पुस ६ गते जिल्ला अदालतबाट पुर्जी जारी गराएको थियो । त्यसको २ महिना भन्दा बढी गुरुङ फरार रहे ।

अर्थ मन्त्रालयमा कार्यभार सम्हाल्दै पुन

फागुन १४ गते मात्र उनलाई प्रहरीले पक्राउ गरेको थियो । यो २ महिनाको बीचमा पनि गुरुङले पुनलाई ४ पटक भेटेको विश्वस्त स्रोतको दाबी छ ।

गत मंसिर २१ गते फ्लाइ दुबईबाट १४ किलो सुन बरामद गरिएको थियो । त्यसमा संलग्न रहेको भन्दै चन्द्र घले पक्राउ परे । घले पक्राउ परेलगत्तै गुरुङ फरार रहेका थिए ।

विमानस्थलबाट बरामद गरिएको १४ किलो सुनबारे अनुसन्धान गर्न विमानस्थल भन्सार कार्यालयका प्रमुख भन्सार अधिकृत मणिराम पौडेलको संयोजकत्वमा ६ सदस्यीय छानबिन समिति गठन गरिएको थियो ।

उक्त समितिले पछिल्लो १ वर्षमा १ सय ३८ किलो सुन गुरुङ, चन्द्र घले, मीनबहादुर घले र कृष्णकुमार श्रेष्ठ संलग्न रहेको निष्कर्ष निकालेको थियो ।

यो प्रकरणमा पूर्व उपराष्ट्रपति नन्दकिशोर पुनका छोरा दीपेश पुन पनि संलग्न रहेको विभागका अधिकारीहरू बताउँछन् । तर, शक्तिकेन्द्रको दबाबमा उनी पक्राउ पर्नबाट बच्दै आएका छन् ।

अरू कोको सँग कुरा हुन्थ्यो गुरुङको ?

लोकान्तरलाई प्राप्त सीडीआरमा गुरुङ र दीपेश पुनको नम्बर ९८५१२१७**२ बीच १ सय ८४ पटक संवाद भएको छ । हिरासतमा रहेका गुरुङ र सुन तस्करीका अर्का नाइके मीनबहादुर घलेको नम्बर ९८४३३०३**७ बीच ५ सय ५३ पटक टेलिफोन संवाद भएको देखिएको छ ।

मीनबहादुर घलेले आफ्नी श्रीमती धनकुमारी घलेलाई पनि तस्करीमा प्रयोग गर्ने गरेका थिए । गुरुङ र धनकुमारी घलेबीच १ सय २ पटक संवाद भएको छ । गुरुङले पूर्व उपराष्ट्रपति नन्दकिशोरसँग पनि ३३ पटक फोन सम्पर्क गरेका छन् ।

पछिल्लो १ वर्षमा भित्रिएको १ सय ३७ किलो सुन नेपाल ल्याउन विभिन्न ट्रिक प्रयोग गर्ने गरिन्थ्यो । त्रिभुवन अन्तर्राष्ट्रिय विमानस्थलमा सफाइ, शौचालय, प्लम्बर, एसीलगायतमा काम गर्नेहरूलाई कमिसन दिएर भन्सार चेकजाँच छल्ने र सुन बाहिर निकाल्ने गरिएको त्यतिबेला गठित छानबिन समितिको प्रतिवेदनमा उल्लेख छ ।

प्रतिवेदनमा विमानस्थलमा सफाइको काम गर्ने जिम्मेवारी पाएका रमेश देउला, राधाकृष्ण श्रेष्ठ, अनिल श्रेष्ठ, लेकबहादुर तामाङ र शेरबहादुर बस्नेतलगायतका कर्मचारीको संलग्नता रहेको उल्लेख छ ।

६० केजी सुन तस्करी प्रकरणका नाइके दावा लामासँग पनि पुनको साँठगाँठ

सुन तस्करीका अभियुक्तसँग अर्थमन्त्री पुनको साँठगाँठ रहेको विषय यतिमा मात्र सीमित छैन । ६० केजी सुन प्रकरणका मुख्य नाइके दावा छिरिङसँग पनि अर्थमन्त्री पुनको सम्पर्क रहेको तथ्य सार्वजनिक भइसकेको छ ।

उनी र पूर्व उपराष्ट्रपति नन्दबहादुर पुनका पारिवारिक सदस्यहरू सुन तस्करीमा संलग्न गिरोहसँग सम्पर्क र सम्बन्धमा रहेको पुष्टि हुने गरी तस्वीर तथा विवरणहरू यसअघि नै सार्वजनिक भएका थिए ।

गत साउन ३ मा त्रिभुवन अन्तर्राष्ट्रिय विमानस्थलबाट ६० केजी सुन बरामद भएको थियो । हङकङबाट ल्याइएको अवैध सुन राजस्व अनुसन्धान विभागको टोलीले बरामद गरेको महानिर्देशक नवराज ढुंगानाले बताएका थिए । 

अहिलेसम्म सबैभन्दा बढी परिणाममा बरामद सुनसँग पुनको पनि नाम जोडियो । मुख्य अभियुक्तसँग सँगै बसेको र खाना खाएको तस्वीर समेत सार्वजनिक भयो । उनका पारिवारिक सदस्य सुन तस्करीमा पक्राउ परेका दावा छिरिङको गिरोहका व्यापारिक साझेदार रहेको खुलेको थियो ।

सुन तस्करीका मुख्य नाइके नेपाली मूलका बेल्जियम नागरिक दावा छिरिङलाई राजस्व अनुसन्धान विभागले समातेर छानबिन गरेको थियो । अर्थमन्त्री पुनले दावासँग बिहे गरेकी अमला रोका आफ्नो गाउँले बहिनी भएको दाबी गर्दै आएका छन् ।

तर, पनि उनीमाथि यस विषयमा अनुसन्धान हुन सकेको छैन । सत्तारुढ दलको प्रभावशाली नेता भएकाले पुन अनुसन्धानबाट बच्दै आएका छन् ।

सुन तस्करीमा संलग्नताबारे पुनले गत भदौमा सञ्चारकर्मीहरूसँग भनेका थिए, ‘गाउँले चेलीसँग विवाह भएका हिसाबले मात्रै दावासँग सामान्य चिनजान भएको हो ।’

६० किलो सुन तस्करीका मुख्य नाइके दावासँग बसेर खाना खाँदै पुन र उनकी श्रीमती पूर्वसभामुख ओनसरी घर्ती

 ओनसरीसँग दावासहितका व्यक्ति

सुन तस्करीको आरोपमा पक्राउ परेका दावा छिरिङले काठमाडौं–२९ मा सञ्चालन गरेको ‘भियना मल्टिप्रपोज ग्रुप प्रालि’मा वर्षमान पुनका कान्छा भाइ प्रनिश पुन मगरको ३० हजार कित्ता सेयर रहेको देखिन्छ ।

उक्त ग्रुपकी अध्यक्ष रहेकी दावाकी श्रीमती अमला रोकाको भने २ लाख २५ हजार कित्ता शेयर रहेको कम्पनी रजिस्ट्रार कार्यालयको विवरणमा उल्लेख छ ।

भियनाको शेयर लगत

पढ्नुहोस्, यो पनि :

विवादित वर्षमानलाई अर्थमा ल्याउनुको रहस्य– पूर्वलडाकूलाई राज्यकोषबाट अर्ब बाँड्ने प्रपञ्च !

'विवादित पात्र'को हातमा अर्थतन्त्रको बागडोर !

hAMROPATRO BELOW NEWS
TATA Below
बैशाख २०, २०८१

काठमाडौंको चण्डोल घर भएका कामोद ढुंगाना २०८० असार ३१ गते वुलिङ एयरको विद्युतीय गाडी (ईभी) किन्न नयाँ बानेश्वरस्थित बज्र ग्रुपको इभी-नेपाल मोटर्स प्रालि पुगेका थिए । अंकित मूल्य (एमआरपी) ३० लाख ९९ हजार रुप...

बैशाख १६, २०८१

महिला, बालबालिका तथा ज्येष्ठ नागरिकमन्त्री भगवती चौधरीले ढुक्क भएर लगानी गर्न आग्रह गरेकी छिन् । आजदेखि शुरू भएको लगानी सम्मेलन २०२४ का अवसरमा सञ्चारकर्मीसँग कुराकानी गर्दै उनले यस्तो बताएकी हुन् । ...

बैशाख ३, २०८१

नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...

मंसिर ४, २०८०

कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...

माघ ८, २०८०

राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...

चैत २७, २०८०

यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...

समानुपातिक, समावेशिताः सिद्धान्त र व्यवहार

समानुपातिक, समावेशिताः सिद्धान्त र व्यवहार

जेठ १२, २०८१

नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...

काग र सुगाको सन्देश

काग र सुगाको सन्देश

जेठ १२, २०८१

एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...

कस्तो बजेट ? कत्रो बजेट ?

कस्तो बजेट ? कत्रो बजेट ?

जेठ ११, २०८१

आगामी वर्ष २०८१/०८२ को बजेट तथा वार्षिक विकास कार्यक्रम प्रस्तुत हुने संवैधानिक समयसीमा एकदमै नजिक छ । अर्थशास्त्री, सर्वसाधारण, राजनैतिक कार्यकर्ता, विकास साझेदार, उद्यमी, लगानीकर्ता र बेतनभोगीहरू आ–आफ्नै ...

x