प्रधानमन्त्री पुष्पकमल दाहाल 'प्रचण्ड'ले सरकारका न्यूनतम साझा कार्यक्रम सार्वजनिक गरेका छन् ।​​

सिंहरदबारस्थित प्रधानमन्त्री कार्यालयमा आयोजित एक कार्यक्रमका बीच प्रधानमन्त्रीले गठबन्धन सरकारका न्यूनतम साझा कार्यक्रम सार्वजनिक गरेका हुन् ।

सत्ता गठबन्धनमा आबद्ध दलका नेताको कार्यदलले तयार गरेको मस्यौदालाई शीर्ष नेताले टुंग्याएपछि कार्यक्रम सार्वजनिक भएको हो । ​

मंगलवार बिहान १० बजेको लागि कार्यक्रम राखिए पनि दिउँसो कार्यक्रम सार्वजनिक भएको हो । 

२१ फागुनमा बनेको नयाँ समीकरण अनुसार सरकारले साझा कार्यक्रम तयार गरेको हो ।

पछिल्लो समय अर्थतन्त्रमा देखिएका चुनौतीलाई सामना गर्ने र जनतामा आशा जगाउने गरी कार्यक्रम सार्वजनिक गरिएको दाबी नेताहरूले गरेका छन् ।