एमाले अध्यक्ष केपी शर्मा ओलीले इलाम २ को उपनिर्वाचनमा प्रतिनिधिसभा सदस्य पदको उम्मेदवार रहेका सुहाङ नेम्वाङलाई शुभकामना दिएका छन् । 

सुहाङसँगको फोटो राख्दै ओलीले आम युवामा जस्तै उनमा पनि केही गर्ने हुटहुटी र ऊर्जा रहेको सामाजिक सञ्जाल फेसबुकमार्फत बताएका छन् । 

‘युवा सँगसँगै’ भन्दै उनले सामाजिक सञ्जालमा लेखेका छन्, ‘३२ वर्षीय सुहाङ नेम्वाङ इलाम– २ को उपनिर्वाचनमा उम्मेदवार बनेका छन् । फूटबल र क्रिकेटमा रुचि भएका, पेशाले लयर सुहाङलाई भेट्दा सरल र नयाँ जोश भएका युवाको रुपमा पाएको छु । आम युवामा जस्तै उनमा पनि केही गर्ने हुटहुटी र ऊर्जा छ । शुभकामना छ सुहाङ !’

आइतबार बसेको एमाले सचिवालय बैठकले दिवङ्गत नेता सुवासचन्द्र नेम्वाङका कान्छा छोरा सुहाङलाई उम्मेदवार बनाउने निर्णय गरेको थियो ।