×

NIC ASIA

बुझ्न नसकिने सम्झौता

अस्पतालमा अनौठो ठेक्का : १ रुपैयाँमा ओटी टेबलदेखि एप्रोनसम्म, सिरिञ्जलाई १० पैसा !

काठमाडाैं | चैत २७, २०८०

Prabhu Bank
NTC
Premier Steels

ओटी (अप्रेसन थिएटर) ड्रेसिङ टेबल १ रुपैयाँमा पाइन्छ भन्दा तपाईंलाई विश्वास नलाग्न सक्छ । तर, सरकारी निकायले नै यसलाई १ रुपैयाँमा खरिद गरेको छ ।

Muktinath Bank

नेपाली बजारमा त्यत्तिको टेबलको मूल्य न्यूनतम् १५/२० हजार पर्ने जानकारहरू बताउँछन् । तर, न्यू संकल्प इन्टरप्राइजेजले काठमाडौंको टेकुस्थित शुक्रराज ट्रपिकल तथा सरुवा रोग अस्पताललाई १ रुपैयाँमा ओटी ड्रेसिङ टेबल आपूर्ति गरेको छ ।


Advertisment
RMC TANSEN
IME BANK INNEWS
shivam ISLAND

त्यो मात्र हैन, एक्सरे चेस्ट स्ट्यान्ड पनि १ रुपैयाँमै आपूर्ति गरिएको छ ।


Advertisment
Nabil box
Kumari

सर्जिकल सिजरलाई बजारमा कम्तीमा २५० देखि ५५० रुपैयाँ पर्ने गरेको छ । तर, उक्त आपूर्तिकर्ताले शुक्रराज अस्पताललाई १ रुपैयाँमै आपूर्ति गरेको पाइएको छ ।

Vianet communication

चिकित्सकले लगाउने एप्रोन कोटको मूल्य पनि ५ सयदेखि १ हजार रुपैयाँ पर्छ, तर उक्त कम्पनीले १ रुपैयाँमै उपलब्ध गराएको छ ।

अस्पतालको बेड सीट पनि एक रुपैयाँमै आपूर्ति गरिएको छ ।

null

सिरिन्जको मूल्य बजारमा कम्तीमा ५ देखि १० रुपैयाँ पर्छ, तर उक्त आपूर्तिकर्ताले १० पैसा देखि ४० पैसासम्ममा सिरिन्ज उपलब्ध गराएको छ ।

गज पिसको मूल्य प्रतिपिस ९ देखि १० रुपैयाँ पर्छ, कटन रोलको २ सयदेखि २५० रुपैयाँ पर्छ, तर सो आपूर्तिकर्ताले १ रुपैयाँकै दरमा आपूर्ति गरेको पाइएको छ ।

माथि उल्लेख गरिएकाबाहेक सर्जिकल मास्क, एक्जानिमेसन ग्लोब्स, सर्जिकल ग्लोब्स, विभिन्न साइजका सिरिन्ज, बार कोड स्टिकर, स्यानिटाइजरसहित १२१ प्रकारका सर्जिकल आइटम १ रुपैयाँ वा सोभन्दा कम दरमा आपूर्ति गरिएको छ ।

सामान्यतया सरकारी अस्पतालमा औषधि, सर्जिकल उपकरणलगायतका सामग्री आपूर्ति गर्दा बजारको प्रचलित भाउभन्दा बढी दरमा किन्ने गरेको पाइन्छ । तर, यहाँ ठीक उल्टो भएको छ । हरेक आइटम १ रुपैयाँको दरमा आपूर्ति गरिएको छ ।

शुक्रराज ट्रपिकल तथा सरुवा रोग अस्पतालले विभिन्न परिणाममा १२१ प्रकारका सर्जिकल आइटम खरिद गर्नका लागि २०८० साउन २६ गते सूचना प्रकाशन गरेको थियो । ती सामग्री खरिदका लागि ५० लाख रुपैयाँ बजेट छुट्याइएको थियो ।

आठ आपूर्तिकर्ताले बोलपत्र प्रस्ताव पेश गरेका थिए । श्री बासुकी मेडिसिन सप्लायर्सले १ करोड २० लाख ४० हजार ३०२ रुपैयाँ प्रस्ताव गरेको थियो भने क्रिमोनी इन्टरनेशनल ताहाचलले ६८ लाख ६१ हजार ७३३ रुपैयाँ प्रस्ताव गरेको थियो ।

त्यसैगरी सुप्रिम ट्रेडिङ्सले ५६ लाख ८ हजार रुपैयाँ, आरवाई ट्रेडर्स प्रालिले ५२ लाख १३ हजार ९६४ रुपैयाँ, केबलेश्वर मेडिसेल्स प्रालिले ४८ लाख ६२ हजार ७३४ रुपैयाँ प्रस्ताव गरेको थियो ।

त्यसैगरी न्यू पाथिभरा सर्जिकल हाउस प्रालिले ५ लाख ६१ हजार १६१ रुपैयाँ र न्यू संकल्प इन्टरप्राइजेजले ५ लाख १८ हजार ८३१ रुपैयाँ प्रस्ताव गरेका थिए ।

सबैभन्दा कम रकम प्रस्ताव गर्ने न्यू संकल्पले ठेक्का पाएको थियो । २०८० असोज १२ गते अस्पताल र इन्टरप्राइजेजबीच सम्झौता भएको थियो ।

टेन्डर हात पारेको न्यू संकल्प इन्टरप्राइजेजका सञ्चालक राजन गौतमले आफूहरूले कबोल गरेकै मूल्यमा सामान उपलब्ध गराइरहेको बताए ।

'सामान दिइरहेकै छौं । अलिकति घाटा भयो, त्यस्तै हो । कुनै खराब नियत छैन । बजारमा चलिरहेकै आइटम दिएका छौं,' उनले थपे, 'मिल्छ कि भनेर हालेको हो, घाटा लग्यो । ७० प्रतिशत सामान दिइसकेको छु । ३० प्रतिशत मात्र दिन बाँकी छ ।'

ठ्याक्कै कति घाटा लाग्यो भन्ने प्रश्नमा उनले हिसाब गर्न बाँकी रहेको बताए ।

'सर्जिकल आइटम १ रुपैयाँमा आपूर्ति गर्ने भनेर अन्त कतै ठेक्का हालेको छैन,' उनले थपे, 'तर, मेडिसिनतर्फ अन्त पनि १ रुपैयाँमा दिइरहेको छु । खोज्नुस् न तपाईं ।'

null

आफूहरूको पेसामा यस्तो हुने गरेको उनको भनाइ छ ।

घाटा  हुने निश्चित हुँदाहुँदै कुन स्वार्थले ठेक्का हालेको भन्ने उनले खुलाएनन् ।

तर, अस्पतालका कर्मचारी भने अन्य कम्पनीलाई ठेक्कामा छिर्न नदिने घाटामा सम्झौता गरेको हुनसक्ने बताउँछन् ।

'घाटा भएपनि होस्, तर प्रतिस्पर्धीलाई ठेक्का लिन दिन्नँ भन्ने उद्देश्यका साथ त्यसरी ठेक्का लिएको होजस्तो लाग्छ,' अस्पतालका ती कर्मचारीले भने ।

उनले ठेक्का सम्झौता गरे पनि हालसम्म सम्झौताबमोजिम सबै सामान आपूर्ति गरिसकेका छैनन् । अहिलेसम्म झन्डै ५० प्रतिशत सामान स्टोरमा दाखिला भइसकेको स्टोरका कर्मचारी राजन आचार्यले बताए ।

'सबै सामान आपूर्ति भइसकेको छैन । लगभग ५० प्रतिशत जति सामान आपूर्ति भएको छ,' आचार्यले लोकान्तरसँग भने, 'अत्यावश्यक सामग्रीहरू आपूर्तिकर्ताले आपूर्ति गरिसकेको छ । बाँकी माग गर्दै आएका छौं ।'

यसरी सस्तोमा ठेक्का लिँदा आधा सामान दिने र आधा आपूर्ति नै नगरे पनि बिल बनाएर भुक्तानी लिने गरेको पाइएकाले त्यस्तो पनि हुन सक्ने उक्त अस्पतालकै अर्का कर्मचारीले आशंका गरे । 'केही समान दिएर आपूर्ति नगरेका सामानको पनि बिल बनाएर भुक्तानी लिएको हुनसक्छ,' उनले भने ।

माग गरिएको जस्तो गुणस्तर नभएर गुणस्तरहीन सामान आपूर्ति गरिएको हुन सक्ने पनि उनको आशंका छ । यस विषयमा अख्तियारले छानबिन गर्नुपर्ने उनले बताए ।

अस्पतालका प्रमुख डा. युवानिधि बसौला भने आफू आउनुअघि नै उक्त टेन्डर सम्झौता भएको बताउँछन् ।

'यसरी प्रतिआइटम १ रुपैयाँमा आपूर्ति गर्ने भनेर अन्य अस्पतालमा पनि ठेक्का पर्ने गर्छ,' उनले लोकान्तरसँग भने, 'म कान्ति बाल अस्पतालमा हुँदा त्यहाँ पनि यस्तै ठेक्का परेको थियो ।'

hAMROPATRO BELOW NEWS
TATA Below
पुस २, २०८०

कार्यक्रम : राष्ट्रपति, उपराष्ट्रपतिसहित भीभीआईपीहरूको लर्को लागेको एउटा भव्य विवाह समारोह । ​ मिति : २०८० साल, मंसिर २९ गते, शुक्रवार​ स्थान : गोकर्ण रिसोर्ट, काठमाडौं । (पाँच तारे स्तरको डिलक्स रिसोर्ट) ...

मंसिर १८, २०८०

प्रत्येक भाषणमा पारदर्शिता र सुशासनको गफ लगाउने प्रधानमन्त्री पुष्पकमल दाहाल ‘प्रचण्ड’ले आफ्नो सचिवालयलाई निकै जम्बो बनाएको पाइएको छ । परिवारका सदस्यदेखि आफूनिकटका व्यक्ति समेत झन्डै ३ दर्जन बढीलाई निय...

पुस २०, २०८०

मकवानपुरको साबिक हर्नामाडी गाविसका रुद्रप्रसाद खतिवडाले २०८० साल कात्तिक २३ गते यातायात कार्यालय चितवनबाट 'ए' र 'बी' वर्ग (मोटरसाइकल, स्कूटर कार, जीप, भ्यान)को लाइसेन्स नवीकरण गराएका छन्...

मंसिर २०, २०८०

नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...

पुस १९, २०८०

यातायात व्यवस्था विभागका उच्च अधिकारी, विभिन्न यातायात कार्यालयका प्रमुख तथा  कर्मचारी र बिचौलियाको मिलेमतोमा झन्डै ३० हजार अवैध लाइसेन्स जारी भएको पाइएको छ । विगत ६ महिनायता लिखित र ट्रायल परीक्षा नै...

जेठ ४, २०८१

जनताको सेवाका लागि राजनीति गरेको दाबी गर्ने नेताहरू मन्त्री बनेलगत्तै जीवनशैली बदलेर विलासी बन्न खोज्छन् । २ महिनाअघि सरकारमा सहभागी मन्त्रीहरूले पनि निवासमा विलासिताका सामान जोड्न प्रतिस्पर्धा गरेको पाइएको ...

सत्ताबाट अवकाश पाएको कांग्रेसलाई आएको नयाँ अवसर

सत्ताबाट अवकाश पाएको कांग्रेसलाई आएको नयाँ अवसर

जेठ ७, २०८१

यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...

प्रकृतिको गीत

प्रकृतिको गीत

जेठ ५, २०८१

सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...

दक्षिणपन्थ र अवसरवादको चाङबाट माधव नेपालको छटपटी !

दक्षिणपन्थ र अवसरवादको चाङबाट माधव नेपालको छटपटी !

जेठ २, २०८१

नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...

x