३१ असार २०८३, बुधबार
आईसीसी टी–२० विश्वकप क्रिकेटको तयारीमा रहेको नेपालले आज घरेलु टोलीसँग वामअर्प म्याच खेल्ने भएको छ ।
अन्तर्राष्ट्रिय क्रिकेट परिषद् (आईसीसी)ले सार्वजनिक गरेको आधिकारिक तालिकाअनुसार नेपालले आज अमेरिकासँग वार्म अप खेल खेल्ने भएको हो ।
टेक्सासमा हुने खेल नेपाली समयानुसार राति ९:१५ बजेबाट शुरू हुने छ ।
नेपालले यसअघि क्यानडासँग पहिलो खेल खेलेको थियो । उक्त म्याचमा नेपाल ६३ रनले पराजित भएको थियो ।
जुन १ बाट शुरू हुने विश्व कपमा नेपालले पहिलो खेल जुन ५ मा नेदरल्यान्ड्ससँग खेल्नेछ ।
जुन ११ मा श्रीलंका, जुन १४ मा दक्षिण अफ्रिका र जुन १६ मा बंगलादेशसँग खेल्नेछ ।
यसपटकको विश्व कप अमेरिका र वेस्ट इन्डिजले संयुक्त रूपमा आयोजना गर्दैछन् ।
