२८ जेठ २०८३, बिहीबार
वैदेशिक रोजगारीका नाममा करोडौं ठगी गरेको आरोपमा एक जना पक्राउ परेका छन् । पक्राउ पर्नेमा सिन्धुपाल्चोकका नारायण खड्का छन् । उनलाई काठमाडौं उपत्यका अपराध अनुसन्धान कार्यालयको टोलीले दिल्लीबाट पक्राउ गरेर नेपाल ल्याइएको हो ।
उनले अमेरिकालगायत विभिन्न मुलुकमा पठाई दिने भन्दै नौ जनालाई ठगी गरेको प्रहरीले जनाएको छ ।
खड्काले उनीहरूबाट करिब ४ करोड ठगी गरेको प्रहरीको भनाइ छ ।
उनले प्रहरीकै बहालवाला र पूर्व प्रहरीलाई समेत ठगी गरेको प्रहरीले जनाएको छ ।
खड्काविरुद्ध बैंकिङ कसुर र ठगीगरी ९ वटा मुद्दा छन् ।
